ਯੌਰਕਸ਼ਾਇਰ (ਯੂ ਕੇ) ਵਿੱਚ ਪੰਜਾਬੀ ਭਾਸ਼ਾ ਦੇ ਮਿਆਰੀ ਇੰਨਸਕ੍ਰਿਪਟ ਕੀਬੋਰਡ (PunjabiXL) ਲਾਗੂ ਕਰਨ ਦੀਆਂ ਤਿਆਰੀਆਂ ਬੜੀ ਤੇਜੀ ਨਾਲ਼ ਚੱਲ ਰਹੀਆਂ ਹਨ। ਇਸ ਦੀ ਸ਼ੂਰੁਆਤ ਉੱਪਰੋਂ ( top down model) ਅਧਿਆਪਕਾਂ ਤੋਂ ਹੋਈ ਸੀ। ਇਸ ਦਾ ਅਸਰ ਦੇਖਣ ਲਈ ਹੁਣ ਅਸੀਂ ਹੇਠੋਂ ਉੱਪਰ (bottom up model) ਵਲ ਵੱਧ ਰਹੇ ਹਾਂ। ਗੁਰਦਆਰਾ ਸਿੰਘ ਸਭਾ ਦੇ ਪੰਜਾਬੀ ਸਕੂਲ ਦੇ ਸਾਰੇ ਕੰਪਿਊਟਰ ਇਸ ਕੀਬੋਰਡ ਨਾਲ ਪੰਜਾਬੀ ਵਿੱਚ ਬਦਲ ਦਿੱਤੇ ਗਏ ਹਨ।

ਥੱਲਿਓਂ ਉੱਪਰ ਵਾਲ਼ੀ ਤਕਨੀਕ ਸਾਨੂੰ ਇਹ ਪਤਾ ਲਗਾ ਸਕੇਗਾ ਕਿ ਵਿਦਿਆਰਥੀਆਂ ਵਿੱਚ ਕਿੰਨੀ ਕੁ ਦਿਲਚਸਪੀ ਵਧੀ ਹੈ। ਇਸ ਦੇ ਨਾਲ਼ ਨਾਲ਼ ਇਹ ਵੀ ਮਾਪ ਸਕਾਂਗੇ ਕਿ ਵਿਦਿਆਰਥੀਆਂ ਦੀ ਇਸ ਮਿਆਰੀ ਕੀਬੋਰਡ ਵਰਤਣ ਦੀ ਯੋਗਤਾ ਦਾ ਵਿਕਾਸ ਕਿਸ ਪੱਧਰ ਤੱਕ ਪਹੁੰਚ ਰਿਹਾ ਹੈ।  ਇਸ ਤਕਨੀਕ ਦਾ ਪ੍ਰਯੋਗ ਗੁਰਦਆਰਾ ਸਿੰਘ ਸਭਾ ਪੰਜਾਬੀ ਸਕੂਲ ਦੇ ਤਕਰੀਬਨ ਤੀਹ ਕੁ ਵਿਦਿਆਰਥੀਆਂ ਤੇ ਅਜ਼ਮਾਇਆ ਗਿਆ ਹੈ। ਇਹਨਾਂ  ਵਿਦਿਆਰਥੀਆਂ ਨੇ ਮਿਆਰੀ ਕੀਬੋਰਡ ਦੀ ਵਰਤੋਂ ਕਰਕੇ ਬਹੁਤ ਉਤਸ਼ਾਹ ਦਿਖਾਇਆ ਹੈ। ਉਹਨਾਂ ਨੇ ਕੀਬੋਰਡ ਲਗਾਤਾਰ ਤਿੰਨ ਮੌਕਿਆਂ ਤੇ ਵਰਤਕੇ  ਦਿਲਚਸਪੀ ਅਤੇ ਮੁਹਾਰਤ ਗ੍ਰਿਹਣਤਾ ਦਾ ਸਬੂਤ ਦਿੱਤਾ।

ਸਾਨੂੰ ਬੱਚਿਆਂ ਦੀ ਵਧਦੀ ਯੋਗਤਾ ਉਤਸ਼ਾਹ ਨੂੰ ਦੇਖਕੇ ਬੇਹੱਦ ਖੁਸ਼ੀ ਮਹਿਸੂਸ ਹੋ ਰਹੀ ਹੈ। ਮਿਆਰੀ ਇੰਨਸਕ੍ਰਿਪਟ ਕੀਬੋਰਡ ਦਾ ਪ੍ਰਸਾਰ ਦੇਖਕੇ ਸਾਨੂੰ ਇਸਦੇ ਅੱਛੇ ਭਵਿਖ ਦੇ ਚਿੰਨ ਨਜ਼ਰ ਆ ਰਹੇ ਹਨ।
ਕੇਵਲ ਸਿੰਘ ਜਗਪਾਲ
ਸੁਰਿੰਦਰ ਕੌਰ ਜਗਪਾਲ