ਪੰਜਾਬੀ ਯੂਨੀਕੋਡ ਕੀਬੋਰਡ ਦਾ ਸਿਖਲਾਈ ਕੋਰਸ ਗੁਰੂ ਗੋਬਿੰਦ ਸਿੰਘ ਗੁਰਦੁਆਰਾ ਦੇ ਪੰਜਾਬੀ ਸਕੂਲ ਬਰੈਡਫੋਰਡ ਵਿਖੇ 8 ਜੁਲਾਈ ਨੂੰ ਹੋਇਆ। ਇਸੇ ਹੀ ਤਰ੍ਹਾਂ ਦਾ ਕੋਰਸ 2 ਹਫਤੇ ਪਹਿਲਾਂ ਸਿੰਘ ਸਭਾ ਗੁਰਦੁਆਰਾ ਬਰੈਡਫੋਰਡ, ਵਿਖੇ ਵੀ ਹੋਇਆ ਸੀ।

ਇਸ 8 ਜੁਲਾਈ ਵਾਲ਼ੇ ਕੋਰਸ ਵਿੱਚ ਵੀ 25 ਸਿਖਿਆਰਥੀਆਂ ਨੇ ਹਿੱਸਾ ਲਿਆ। ਉਹਨਾਂ ਵਿੱਚੋਂ 12 ਪੰਜਾਬੀ ਸਕੂਲਾਂ ਦੇ ਟੀਚਰ ਸਨ; ਤਿੰਨ ਗੁਰੂ ਗੋਬਿੰਦ ਸਿੰਘ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਵੀ ਇੱਥੇ ਹਾਜ਼ਰ ਸਨ। ਬਰੈਡਫੋਰਡ ਦੇ ਦੋਹਾਂ ਹੀ ਪੰਜਾਬੀ ਸਕੂਲ ਦੇ ਕੋਰਸ ਮੈਂਬਰਾਂ ਨੇ ਪੰਜਾਬੀ ਯੂਨੀਕੋਡ ਨੂੰ ਖੁਦ ਅਤੇ ਕਲਾਸ ਵਿੱਚ ਵਰਤਣ ਦਾ ਭਰਵਾਂ ਹੁੰਗਾਰਾ ਭਰਿਆ।

ਡਾਕਟਰ ਬਲਦੇਵ ਸਿੰਘ ਕੰਦੋਲਾ ਅਤੇ ਸ਼ਿੰਦਰਪਾਲ ਸਿੰਘ ਮਾਹਲ ਜੀ ਦਾ ਐਡੀ ਦੂਰੋਂ ਆਕੇ, ਇੱਸ ਸਿਖਲਾਈ ਕੋਰਸ ਕਰਨ ਦਾ ਮੁੱਖ ਅਧਿਆਪਕ ਅਮਰਜੀਤ ਕੌਰ ਖੇਲਾ, ਕਮੇਟੀ ਮੈਂਬਰਾਂ, ਟੀਚਰਾਂ ਅਤੇ ਪੰਜਾਬੀ ਭਾਸ਼ਾ ਦੇ ਬਰੈਡਫੋਰਡ ਅਤੇ ਲੀਡਜ਼ ਤੋਂ ਆਏ ਕੰਮਪਿਉਟਰੀਕਰਨ ਦੇ
ਹਾਜ਼ਰ ਹਮਾਇਤੀਆਂ ਨੇ "ਪੰਜਾਬੀ ਵਿਕਾਸ ਮੰਚ ਯੂ ਕੇ" ਦੇ ਮੋਢੀਆਂ ਡਾਕਟਰ ਬਲਦੇਵ ਸਿੰਘ ਕੰਦੋਲਾ, ਸ਼ਿੰਦਰਪਾਲ ਸਿੰਘ ਮਾਹਲ ਅਤੇ ਅਰਵਿੰਦਰ ਸਿੰਘ ਸੀਹਰਾ ਜੀ ਦਾ ਧੰਨਵਾਦ ਕੀਤਾ।

ਸੁਰਿੰਦਰ ਕੌਰ ਜਗਪਾਲ
ਕੇਵਲ ਸਿੰਘ ਜਗਪਾਲ