ਲੀਅਰ- ਨਾਰਵੇ ਦੇ ਸ਼ਹਿਰ ਦਰਾਮਨ ਦੇ ਨਜ਼ਦੀਕੀ ਇਲਾਕੇ ਲੀਅਰ ਸਥਿਤ ਗੁਰੂ ਘਰ ਗੁਰੂ ਨਾਨਕ ਨਿਵਾਸ ਵਿਖੇ ਦਸਮੇਸ਼ ਪਿਤਾ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜ਼ਾਦਿਆ ਦੀਆ ਸ਼ਹੀਦੀਆ ਨੂੰ ਸਮਰਪਿੱਤ ਸ਼ਹੀਦੀ ਸਮਾਗਮ ਹੋਇਆ। ਭਾਰੀ ਸੰਖਿਆ ਵਿੱਚ ਗੁਰੂ ਦੀ ਪਿਆਰੀ ਸੰਗਤ ਨੇ ਗੁਰੂ ਘਰ ਆਪਣੀ ਹਾਜ਼ਰੀਆ ਲਿਵਾ ਛੋਟੇ ਸਾਹਿਬਜ਼ਾਦਿਆ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ,ਪੰਜਾਬੋ ਆਏ ਕੀਰਤਨੀਆ ਜੱਥੇ ਭਾਈ ਕੁਲਦੀਪ ਸਿੰਘ ਰਸੀਲਾ,ਭਾਈ ਬਲਜਿੰਦਰ ਸਿੰਘ ਤੇ ਭਾਈ ਰਾਜਵੀਰ ਸਿੰਘ ਹੋਣਾ ਨੇ ਗੁਰੂ ਦੀ ਇਲਾਹੀ ਬਾਣੀ ਦਾ ਕੀਰਤਨ ਕੀਤਾ। ਮੁੱਖ ਸੇਵਾਦਾਰ ਭਾਈ ਹਰਵਿੰਦਰ ਸਿੰਘ ਤਰਾਨਬੀ ਤੇ ਭਾਈ ਚਰਨਜੀਤ ਸਿੰਘ ਸਿੰਘ ਹੋਣਾ ਨੇ ਨਿੱਕੀਆ ਜਿੰਦੜੀਆ ਦੀ ਸ਼ਹੀਦੀ ਨੂੰ ਬਿਆਨ ਕੀਤਾ ਅਤੇ ਕੁਝ ਬੰਚੇ ਬੱਚੀਆ ਵੱਲੋ ਜ਼ੋਸੀਲੀਆ ਵਾਰਾ ਗਾਈਆ ਗਈਆ। ਇਸ ਮੋਕੇ ਗੁਰੂ ਦਾ ਅਤੁੱਟ ਲੰਗਰ ਸੰਗਤਾ ਵੱਲੋ ਬੜੇ ਉਤਸ਼ਾਹ ਨਾਲ ਛੱਕਿਆ ਗਿਆ।ਸਮਾਗਮ ਦੀ ਸਮਾਪਤੀ ਦੋਰਾਨ ਮੁੱਖ ਸੇਵਾਦਾਰ ਭਾਈ ਹਰਵਿੰਦਰ ਸਿੰਘ,ਬੀਬੀ ਉਪਕਾਰ ਕੋਰ,ਬੀਬੀ ਤਰਵਿੰਦਰ ਪਾਲ ਕੋਰ,ਕੁਲਵੰਤ ਸਿੰਘ, ਚਰਨਜੀਤ ਸਿੰਘ,ਰਾਜਿੰਦਰ ਸਿੰਘ, ਗਿਆਨ ਸਿੰਘ ਵੱਲੋ ਗੁਰੂ ਘਰ ਜੁੜੀ ਸੰਗਤ ਦਾ ਤਹਿ ਦਿੱਲੋ ਧੰਨਵਾਦ ਕੀਤਾ ਗਿਆ, ਇਸ ਤੋ ਇਲਾਵਾ ਅੱਜ ਨਵੇ ਸਾਲ ਦੇ ਆਗਮਨ ਮੋਕੇ ਸ਼ਾਮ ਦੇ ਦੀਵਾਨ ਸਜਾਏ ਗਏ ਅਤੇ ਸੰਗਤਾ ਗੁਰੂ ਘਰ ਨਮਸਤਕ ਹੋਈਆ।