ਚੰਡੀਗੜ 30 ਅਕਤੂਬਰ, 18 :  "ਸੀਨੀਅਰ ਸਿਟੀਜ਼ਨ ਕੌਂਸਲ" ਸੰਨੀ ਇਨਕਲੇਵ ਖਰੜ ਵਲੋਂ ਪ੍ਰਧਾਨ ਨਿਰਮਲ ਸਿੰਘ ਅਟਵਾਲ ਦੀ ਪ੍ਰਧਾਨਗੀ ਹੇਠ "ਸੀਨੀਅਰ ਸਿਟੀਜਨ" ਦਿਵਸ ਮਨਾਇਆ ਗਿਆ।   ਸਮਾਗਮ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਖਰੜ ਦੇ ਮੁੱਖ ਸੇਵਾਦਾਰ ਰਣਜੀਤ ਸਿੰਘ ਗਿੱਲ (ਗਿਲਕੋ) ਮੁੱਖ ਮਹਿਮਾਨ ਦੇ ਤੌਰ ਤੇ ਪੁੱਜੇ।   ਜਦੋਂ ਕਿ ਐਡਵੋਕੇਟ ਕੁਲਦੀਪ ਸਿੰਘ ਕੌਂਸਲਰ, ਅਮਰਜੀਤ ਪੰਛੀ ਕੌਂਸਲਰ, ਸੀਨੀਅਰ ਅਕਾਲੀ ਆਗੂ ਰਾਜਵੀਰ ਸਿੰਘ ਰਾਜੀ ਵੀ  ਵਿਸ਼ੇਸ਼ ਤੌਰ ਤੇ ਪੁੱਜੇ।  ਇਸ ਮੌਕੇ ਸੰਸਥਾ ਵਲੋਂ ਕਰਵਾਏ ਸਮਾਗਮ ਦੀ ਸ਼ਲਾਘਾ ਕਰਦਿਆਂ  ਰਣਜੀਤ ਸਿੰਘ ਗਿੱਲ  ਨੇ  ਸੰਸਥਾ ਨੂੰ 11,000/- ਰੁਪਏ ਦੀ ਮਾਲੀ ਮਦਦ ਕੀਤੀ।   ਬਜ਼ੁਰਗ ਦਿਵਸ ਤੇ ਡਾ. ਚਰਨਜੀਤ ਕੌਰ ਅਤੇ ਹਰਬੰਸ ਸੋਢੀ, ਡਿਪਟੀ ਡਾਇਰੈਕਟਰ ਦੂਰਦਰਸ਼ਨ ਚੰਡੀਗੜ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ ।

ਸਮਾਗਮ ਵਿੱਚ ਸ. ਧਿਆਨ ਸਿੰਘ ਕਾਹਲੋਂ ਨੂੰ ਸਾਹਿਤਕ ਤੇ ਸੱਭਿਆਚਾਰਕ ਖੇਤਰ ਵਿਚ ਵਧੀਆ ਕਾਰਗੁਜ਼ਾਰੀ ਬਦਲੇ ਮੋਮੈਂਟੋ  ਤੇ ਸ਼ਾਲ ਦੇ ਕੇ ਸਨਮਾਨਿਤ ਕੀਤਾ ਗਿਆ।  ਇਸ ਮੌਕੇ ਇਕਬਾਲ ਕੌਰ ਮਲਹੋਤਰਾ, ਗੁਰਚਰਨ ਸਿੰਘ ਰੰਧਾਵਾ, ਤ੍ਰਿਲੋਕ ਸਿੰਘ ਜੱਸੜ ਅਤੇ ਪ੍ਰਤਾਪ ਸਿੰਘ ਨੂੰ ਵੀ ਸਨਮਾਨਿਆ  ਗਿਆ।   

ਸਮਾਗਮ ਵਿੱਚ ਸ.ਧਿਆਨ ਸਿੰਘ ਕਾਹਲੋਂ ਨੇ ਇੱਕ ਸਭਿਆਚਾਰਿਕ ਗੀਤ , ਦੂਜੇ ਦੀ ਥਾਲ 'ਚ ਲੱਡੂ ਵੱਡਾ ਹੀ ਲਗਦਾ ਪੇਸ਼ ਕੀਤਾ।   ਇਸ ਤੋਂ ਇਲਾਵਾ ਕਰਮਜੀਤ ਸਿੰਘ ਬੱਗਾ, ਹਰਮਨ ਗਿੱਲ, ਸ਼ਗਨਪ੍ਰੀਤ, ਦਵਿੰਦਰ ਕੌਰ, ਬਲਜਿੰਦਰ ਕੌਰ ਢਿੱਲੋਂ ਅਤੇ ਗੁਰਿੰਦਰ ਗੈਰੀ ਨੇ ਵੀ  ਗੀਤ ਗਾ ਕੇ ਵਧੀਆ ਰੰਗ ਬੰਨਿਆ।   ਇਨਾਂ ਤੋਂ ਇਲਾਵਾ ਜਗਤਾਰ ਜੋਗ, ਬਲਵੰਤ ਸਿੰਘ ਮੁਸਾਫਿਰ, ਐਚ ਐਸ ਸੋਹਲ ਅਤੇ  ਊਸ਼ਾ ਰਾਣੀ ਨੇ ਵੀ ਵਧੀਆ ਹਾਜਰੀ ਲਗਵਾਈ ।   ਇਸ  ਅਵਸਰ ਤੇ  ਬਲਦੇਵ ਸਿੰਘ, ਗੁਰਚਰਨ ਸਿੰਘ ਟੌਹੜਾ, ਤਰਸੇਮ ਗੁਪਤਾ, ਨਾਜ਼ਰ ਸਿੰਘ, ਤੇਜਾ ਸਿੰਘ ਥੂਹਾ, ਰਜਿੰਦਰ ਜੱਸਲ, ਕੁਲਦੀਪ ਮੌਂਗਾ, ਕੇ.ਕੇ. ਬਾਂਸਲ, ਜਗਦੀਸ਼ ਚੰਦ, ਹਰਨੇਕ ਸਿੰਘ ਕਲੇਰ, ਗਿਆਨ ਸਿੰਘ ਬਾਜਵਾ, ਗੁਰਪਾਲ ਸਿੰਘ, ਹਰਮਿੰਦਰ ਸਿੰਘ ਕਾਲੜਾ ਵੀ ਹਾਜ਼ਰ ਸਨ।

ਪ੍ਰੋਗਰਾਮ ਦੇ ਅੰਤ ਵਿੱਚ ਨਿਰਮਲ ਸਿੰਘ ਅਟਵਾਲ ਜੀ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।   ਸਟੇਜ਼-ਸਕੱਤਰ ਦੀ ਭੂਮਿਕਾ, ਸਟੇਜ ਦੇ ਧਨੀ ਅਤੇ ਨਾਮਵਰ ਸ਼ਾਇਰ ਸੇਵੀ ਰਾਇਤ ਨੇ ਬਾਖੂਬੀ ਨਿਭਾਈ।