ਮੋਗਾ- ਪਿੱਛਲੇ ਦਿਨੀ ਭੁਪਿੰਦਰਾ ਖਾਲਸਾ ਸਕੂਲ ਮੋਗਾ ਦੇ ਮੋਢੀ  ਕੈਪਟਨ ਸ੍ਰ: ਗੁਰਦਿੱਤ ਸਿੰਘ ਗਿੱਲ ਚਹੂੜਚੱਕ ਦੀ 108ਵੀ ਬਰਸੀ ਸ਼ਰਧਾ ਪੂਰਵਕ ਮਨਾਈ ਗਈ। ਇਸ ਮੌਕੇ ਸਕੂਲੀ  ਵਿਦਿਆਰਥੀਆ ਵੱਲੋ ਸ਼ਬਦ ਗਾਇਨ ਅਤੇ ਅਰਦਾਸ ਕਰ ਸ਼ਰਧਾਜਲੀ ਸਮਾਰੋਹ ਦਾ ਆਰੰਭ ਕੀਤਾ। ਸਕੂਲ ਦੇ  ਅਧਿਕਾਰੀਆਂ, ਪਰਿਵਾਰਿਕ ਮੈਬਰਾਂ ਅਤੇ ਇਲਾਕੇ ਦੀਆਂ ਜਾਣੀਆ ਮਾਣੀਆ ਸ਼ਖਸੀਅਤਾ ਵੱਲੋ  ਕੈਪਟਨ ਗੁਰਦਿੱਤ ਸਿੰਘ ਗਿੱਲ ਦੀ ਆਦਮ ਕੱਦ ਤਸਵੀਰ 'ਤੇ ਫੁੱਲ ਮਾਲਾਵਾਂ ਭੇਟ ਕਰ ਉਨਾ ਨੂੰ ਸੱਚੀ ਸ਼ਰਧਾਜਲੀ ਭੇਟ ਕੀਤੀ।

ਕੈਪਟਨ ਸ੍ਰ: ਗੁਰਦਿੱਤ ਸਿੰਘ ਗਿੱਲ  ਵੱਲੋ ਵਿਦਿਅਕ ਖੇਤਰ ਵਿੱਚ ਪਾਏ ਯੋਗਦਾਨ ਨੂੰ ਕਦੇ ਭੁਲਾਇਆ ਨਹੀ ਜਾ ਸਕਦਾ। ਉਹਨਾ ਨੇ ਇੱਕ ਸਦੀ ਪਹਿਲਾ ਆਪਣੇ ਇਲਾਕੇ 'ਚ ਵਿਦਿਆ ਨੂੰ ਸਾਖਾਰ ਕਰਨ  ਲਈ ਮਹਾਰਾਜਾ ਭੁਪਿੰਦਰ ਸਿੰਘ ਨੂੰ ਪ੍ਰੇਰਿਤ ਕਰ  ਇਸ ਸਕੂਲ ਤੋ ਇਲਾਵਾ ਚਹੂੜਚੱਕ ਪਿੰਡ 'ਚ ਸਕੂਲ, ਸਰਕਾਰੀ ਸਕੂਲ ਮਹਿਣਾ (ਮੋਗਾ) ਇੱਕ ਸਕੂਲ  ਜ਼ਿਲਾ ਲੁਧਿਆਣੇ 'ਚ, ਇੱਕ ਸਕੂਲ ਜ਼ਿਲਾ ਫਿਰੋਜਪੁਰ 'ਚ ਆਪਣੀ ਕਮਾਈ,ਪਰਿਵਾਰਿਕ ਪੁਸ਼ਤੀ ਜਮੀਨਾ ਦੇ ਕਮਾਈ ਦੇ ਸਾਧਨ ਅਤੇ ਦੇਸ਼ ਵਿਦੇਸ਼ ਤੋਂ ਉਗਰਾਹੀ ਕਰ ਇਮਾਰਤਾਂ ਬਣਾਉਣ 'ਚ ਅਹਿਮ ਯੋਗਦਾਨ ਪਾਇਆ ਅਤੇ ਇਸ ਸਕੂਲ ਨੂੰ ਫਖ਼ਰ ਹੈ ਕਿ ਇਸ ਸਕੂਲ 'ਚ ਪੜੇ ਵਿਦਿਆਰਥੀ ਦੇਸ਼ ਵਿਦੇਸ਼ 'ਚ ਉੱਚ ਅਹੁਦਿਆ, ਚੰਗੇ ਕਾਰੋਬਾਰਾ ਆਦਿ ਤੇ ਬਿਰਾਜਮਾਨ ਹੋ ਇਸ ਸਕੂਲ ਅਤੇ ਮੋਗੇ ਦਾ ਨਾਮ ਰੋਸ਼ਨ ਕਰ ਕੈਪਟਨ ਗੁਰਦਿੱਤ ਸਿੰਘ ਗਿੱਲ (ਚਹੂੜਚੱਕ) ਨੂੰ ਸੱਚੀ ਸ਼ਰਧਾਜਲੀ ਭੇਟ ਕਰ ਰਹੇ ਹਨ।

ਇਸ ਮੌਕੇ ਕੈਪਟਨ ਗਿੱਲ ਦੀ ਪ੍ਹੀੜੀ ਦੇ ਪਰਿਵਾਰਿਕ ਮੈਬਰਾਂ ਚੋ ਸ੍ਰ: ਜਸਮੇਲ ਸਿੰਘ ਗਿੱਲ, ਮਨਮੋਹਨ ਸਿੰਘ ਗਿੱਲ, ਡਿੰਪੀ ਗਿੱਲ (ਨਾਰਵੇ) ਹਰਪਾਲ ਸਿੰਘ ਗਿੱਲ, ਬਲਵਿੰਦਰ ਸਿੰਘ ਢਿੱਲੋ, ਪਰਿਵਾਰ ਦੀ ਬੀਬੀਆ, ਦੋਸਤ ਮਿੱਤਰ ਮਿੱਕੀ, ਬੰਟੀ, ਪੱਤਵੰਤੇ ਸ਼ਹਿਰੀ  ਸਮੂਹ ਅਧਿਕਾਰੀਆਂ ਅਤੇ ਵਿਦਿਆਰਥੀ ਹਾਜ਼ਰ ਸਨ। ਕੈਪਟਨ ਗੁਰਦਿੱਤ ਸਿੰਘ ਗਿੱਲ ਪਰਿਵਾਰ ਦੀ ਪੀੜ੍ਹੀ ਦੇ ਦੂਸਰੇ ਮੈਬਰ, ਜੋ ਵਿਦੇਸ਼ਾ ਵਿੱਚ ਵੱਸਦੇ ਹਨ,  ਨੇ ਕੈਪਟਨ ਸਾਹਿਬ ਦੀ ਯਾਦ ਨੂੰ ਸਦੀਵੀ ਬਣਾਉਣ ਲਈ ਵਿਸ਼ੇਸ ਉਪਰਾਲੇ 'ਤੇ ਸਕੂਲ ਦੇ ਵਿਕਾਸ ਲਈ ਅਹਿਮ ਯੋਗਦਾਨ  ਲਈ ਪ੍ਰਣ ਲਿਆ। ਜ਼ਿਕਰਯੋਗ ਹੈ ਪਹਿਲਾਂ ਪਰਿਵਾਰਿਕ ਮੈਬਰਾਂ ਨੂੰ ਇਸ ਸੰਬੱਧੀ ਜਾਣਕਾਰੀ ਨਹੀ ਸੀ ਪਰ ਸਕੂਲ ਦੇ ਸਾਬਕਾ ਪ੍ਰਿਸੀਪਾਲ ਸ੍ਰ ਦਰਸ਼ਨ ਸਿੰਘ (ਦਾਉਧਰ) ਹੋਰਾਂ ਦੀ ਅਣਥੱਕ ਮਹਿਨਤ ਅਤੇ ਉਹਨਾ  ਨੇ  ਪੁਰਾਣੇ  ਰਿਕਾਰਡ  ਪ੍ਰਾਪਤ ਕਰ  ਇਸ ਸਕੂਲ ਦੇ ਬਾਨੀ ਕੈਪਟਨ ਸ੍ਰ:  ਗੁਰਦਿੱਤ ਸਿੰਘ ਗਿੱਲ  ਜੀ ਦਾ ਅਪ੍ਰੈਲ 25, 2013 ਨੂੰ ਸਕੂਲ ਪਰਿਸਰ 'ਚ ਇਹ ਆਦਮ ਕੱਦ ਬੁੱਤ ਸਥਾਪਿਤ ਕਰ  ਸੱਚੀ ਸ਼ਰਧਾਜਲੀ ਦਿੱਤੀ।

ਗਿੱਲ ਪਰਿਵਾਰ ਦੀ ਪੀੜ੍ਹੀ 'ਚੋ  ਡਿੰਪੀ ਗਿੱਲ (ਨਾਰਵੇ ਵਾਸੀ) ਹਰ ਸਾਲ  ਆਪਣੇ ਰੁਝਾਵੇ ਭਰੀ ਜਿੰਦਗੀ 'ਚੋ ਸਮਾ ਕੱਢ ਅਪ੍ਰੈਲ ਮਹੀਨੇ ਨਾਰਵੇ ਤੋਂ ਮੋਗਾ ਜਾ 25 ਤਾਰੀਕ  ਨੂੰ  ਆਪਣੇ ਵੱਡੇ ਵੱਡੇਰਿਆ ਦੇ ਵਿਦਿਆ ਦੇ ਖੇਤਰ 'ਚ ਕੀਤੇ ਇਸ ਯੋਗਧਾਨ  ਤੇ ਉਹਨਾ ਦੀ ਬਰਸੀ ਮੌਕੇ  ਸਕੂਲ ਸਟਾਫ, ਵਿਦਿਆਰਥੀਆਂ  'ਤੇ ਇਲਾਕੇ ਦੇ ਲੋਕਾ  ਨਾਲ  ਮਿਲ ਉਹਨਾ ਨੂੰ  ਸੱਚੀ ਸ਼ਰਧਾਂਜਲੀ ਭੇਟ ਕਰਦੇ ਹਨ।

Rupinder Dhillon Moga journalist
Norway 0047 48051951