'ਬਾਬਾ ਫਤਹਿ ਸਿੰਘ ਯੁਵਕ ਭਲਾਈ ਕਲੱਬ ਗੋਨਿਆਣਾ ਖੁਰਦ ਰਜਿ. ਬਠਿੰਡਾ' ਵਲੋਂ ਆਪਣੀਆਂ ਮਾਣਮੱਤੀਆਂ ਸਮਾਜਿਕ ਗਤੀਵਿਧੀਆਂ ਤਹਿਤ ਸਰਕਾਰੀ ਹਾਈ ਸਕੂਲ ਗੋਨਿਆਣਾ ਖੁਰਦ ਦੇ ਵਿਹੜੇ ਲੱਗਭਗ 50 ਦੇ ਕਰੀਬ ਛਾਂ-ਦਾਰ, ਫਲਾਂ ਤੇ ਫੁੱਲਾਂ ਵਾਲੇ ਬੂਟੇ ਲਗਾਏ ਗਏ। 

ਕਲੱਬ ਦੇ ਪ੍ਰਧਾਨ ਜਸਕਰਣ ਸਿੰਘ, ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੋਂ ਬਾਬਾ ਹਰਮੰਦਰ ਸਿੰਘ ਜੀ ਅਤੇ ਕਲੱਬ ਮੈਂਬਰਾਂ ਵਿੱਚੋ ਬੱਬੂ, ਜਿੰਮੀ, ਮਨਪੀ੍ਤ ਵਲੋਂ ਇਹ ਸਾਰੇ ਬੂਟੇ ਸਕੂਲ ਦੇ ਮੁੱਖ ਅਧਿਆਪਕ ਸ. ਬਲਜਿੰਦਰ ਸਿੰਘ, ਸਟਾਫ਼ ਅਤੇ ਬੱਚਿਆਂ ਨੂੰ ਵੀ ਵੰਡੇ ਗਏ । ਕਲੱਬ ਪ੍ਰਧਾਨ ਸ. ਜਸਕਰਣ ਸਿੰਘ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਜਿਸ ਵੀ ਵਿਦਿਆਰਥੀ ਨੇ ਆਪਣੇ ਬੂਟੇ ਦੀ ਸਹੀ ਤਰ੍ਹਾਂ ਸੰਭਾਲ ਕੀਤੀ ਕਲੱਬ ਵਲੋਂ ਉਸ ਬੱਚੇ ਨੂੰ ਉਤਸ਼ਾਹਿਤ ਇਨਾਮ ਵੀ ਦਿੱਤਾ ਜਾਵੇਗਾ। ਕਲੱਬ ਪ੍ਰਧਾਨ ਤੇ ਕਲੱਬ ਦੀ ਸਮੁੱਚੀ ਟੀਮ ਵਲੋਂ ਅੱਗੇ ਤੋਂ ਵੀ ਸਕੂਲ ਵਿੱਚ ਆਪਣੀਆਂ ਸੇਵਾਵਾਂ ਤੇ ਸਮਾਜਿਕ ਕਾਰਜ ਨੂੰ ਪਹਿਲ ਦੇ ਅਧਾਰ ਤੇ ਕਰਨ ਦਾ ਭਰੋਸਾ ਦਿੱਤਾ। 

"ਸ.ਹ.ਸ ਗੋਨਿਆਣਾ ਖੁਰਦ" ਦੇ 'ਸਟੇਟ ਅਵਾਰਡੀ' ਤੇ ਸਮਾਜਸੇਵੀ ਡਰਾਇੰਗ ਅਧਿਆਪਕ ਸ. ਪਰਮਜੀਤ ਸਿੰਘ ਨੇ ਕਿਹਾ ਕਿ ਵਾਤਾਵਰਣ ਦੇ ਗੰਧਲੇਪਣ ਨੂੰ ਰੋਕਣ ਲਈ ਕਲੱਬ ਵਲੋਂ ਕੀਤਾ ਗਿਆ ਇਹ ਇੱਕ ਸਾਰਥਿਕ ਉੱਦਮ ਹੈ।

ਸ. ਸੇਵਕ ਸਿੰਘ ਨੇ ਵੀ ਕਲੱਬ ਦੇ ਇਸ ਕੰਮ ਦੀ ਸਲਾਹੁਤਾ ਕਰਦਿਆਂ ਕਲੱਬ ਦੀ ਪੂਰੀ ਟੀਮ ਨੂੰ ਪੌਦਿਆਂ ਦੀ ਸਾਂਭ ਸੰਭਾਲ ਦੀ ਜਿੰਮੇਵਾਰੀ ਲਈ ਭਰੋਸਾ ਦੁਆਇਆ। 

ਅਖੀਰ ਮੁੱਖ ਅਧਿਆਪਕ ਸ. ਬਲਜਿੰਦਰ ਸਿੰਘ ਤੇ ਸ. ਸ਼ਮਸ਼ੇਰ ਸਿੰਘ ਨੇ ਗੁਰਦੁਆਰਾ ਕਮੇਟੀ ਤੇ 'ਬਾਬਾ ਫਤਹਿ ਸਿੰਘ ਯੁਵਕ ਭਲਾਈ ਕਲੱਬ' ਦੇ ਸਮੂਹ ਆਹੁੱਦੇਦਾਰਾਂ ਦਾ ਧੰਨਵਾਦ ਕੀਤਾ ਗਿਆ।