ਫ਼ਿੰਨਲੈਂਡ 18 ਜੁਲਾਈ - ਬੀਤੇ ਦਿਨੀਂ ਫ਼ਿੰਨਲੈਂਡ ਦੀ ਰਾਜਧਾਨੀ ਹਿਲਸਿੰਕੀ ਵਿੱਚ "ਪੰਜਾਬ ਕਲਚਰਲ ਸੋਸਾਇਟੀ ਫ਼ਿੰਨਲੈਂਡ" ਵਲੋਂ ਮੂਸਤਾ ਹੈਰਕਾ ਰੇਸਤੋਂਰੇਂਟ ਵਿੱਚ ''ਨੂਰਪੁਰੀ ਨਾਈਟ'' ਕਾਰਵਾਈ ਗਈ ਜਿਸ ਵਿੱਚ ਹਰਮਿੰਦਰ ਨੂਰਪੂਰੀ ਨੇ ਆਪਣੇ ਧਾਰਮਿਕ ਅਤੇ ਸੱਭਿਆਚਾਰਕ ਗੀਤਾਂ ਰਾਹੀ ਖੂਬ ਰੌਣਕਾਂ ਲਾਈਆਂ।

ਹਰਮਿੰਦਰ ਨੂਰਪੁਰੀ ਨੇ ਪ੍ਰੋਗਰਾਮ ਦੀ ਸ਼ੁਰੂਆਤ ਹਾਲ ਹੀ ਵਿੱਚ ਆਏ ਆਪਣੇ ਨਵੇਂ ਅਤੇ ਮਸ਼ਹੂਰ ਧਾਰਮਿਕ ਗੀਤ ''ਵਾਹਿਗੁਰੂ ਕਰ ਕਰ ਕਿਰਪਾ'' ਨਾਲ ਕੀਤੀ। ਇਸ ਤੋਂ ਬਾਅਦ ਨੂਰਪੁਰੀ ਨੇ ਪੰਜਾਬ ਦੇ ਮੌਜੂਦਾ ਹਲਾਤਾਂ ਉਤੇ ਆਪਣਾ ਲਿਖਿਆ ਹੋਇਆ ਗੀਤ ''ਗੋਰਾ ਚਿੱਟਾ ਗੱਭਰੂ ਚਿੱਟੇ ਨੇ ਖਾ ਲਿਆ'' ਗਾਇਆ ਤਾਂ ਦਰਸ਼ਕਾਂ ਵਿੱਚ ਸਨਾਟਾ ਛਾ ਗਿਆ ਅਤੇ ਹਰ ਇੱਕ ਨੂੰ ਪੰਜਾਬ ਦੇ ਗੱਭਰੂਆਂ ਬਾਰੇ ਸੋਚਣ ਲਈ ਮਜ਼ਬੂਰ ਕਰ ਦਿੱਤਾ। ਫ਼ੇਰ ਨੂਰਪੁਰੀ ਨੇ ਆਪਣੇ ਦੋ ਨਵੇਂ ਗੀਤ ''ਟਰਾਲਾ'' ਅਤੇ ''ਮੁੱਛ ਦਾ ਸਵਾਲ'' ਗਾਕੇ ਖੂਬ ਰੰਗ ਬੰਨਿਆ।

ਉਸਤੋਂ ਬਾਅਦ ਆਪਣਾ ਮਸ਼ਹੂਰ ਗੀਤ ''ਪੁੰਨਿਆ ਦੀ ਰਾਤ' ਤੇ ''ਯਾਰਾਂ ਨਾਲ ਖੜ੍ਹੇ ਹਿੱਕ ਤਾਣਕੇ'' ''ਤਰੱਕੀਆਂ'' ਆਦਿ ਗਾਕੇ ਬੱਲੇ-ਬੱਲੇ ਕਾਰਵਾਈ। ਅਖ਼ੀਰ ਵਿੱਚ ਨੂਰਪੁਰੀ ਨੇ ਪ੍ਰੋਗਰਾਮ ਦੀ ਸਮਾਪਤੀ ਆਪਣਾ ਸੱਭਿਆਚਾਰਕ ਗੀਤ ''ਹੁਣ ਨਾ ਮਹਿਫ਼ਲ ਜੁੜਦੀ ਮੇਰੇ ਪਿੰਡ ਦੀਆਂ ਸੱਥਾਂ ਤੇ'' ਗਾਕੇ ਕੀਤੀ।

ਫ਼ਿੰਨਲੈਂਡ ਵਿੱਚ ਵੱਸਦੇ ਕਾਰੋਬਾਰੀ ਚਰਨਜੀਤ ਸ਼ਰਮਾ ਬੁੱਘੀਪੁਰੀਆ ਨੇ ਹਰਮਿੰਦਰ ਨੂਰਪੁਰੀ ਨੂੰ ਇੱਕ ਹਜ਼ਾਰ ਯੂਰੋ ਨਾਲ ਸਨਮਾਨਿਤ ਕੀਤਾ। ਗੌਰਤਲਬ ਹੈ ਕਿ ਨੂਰਪੁਰੀ 29 ਜੂਨ ਤੋਂ ਯੌਰਪ ਦੌਰੇ ਤੇ ਆਏ ਹੋਏ ਹਨ। 
  
Best regards,
Bikramjit Singh 
vickymoga@hotmail.com
+358 503065677
   Finland.