ਮਜਦੂਰ ਔਰਤ 'ਤੇ ਠੇਕੇਦਾਰ ਬਿਜਲੀ ਵਾਂਗ ਗਰਜਦਾ ਹੋਇਆ ਬੋਲਿਆ, 'ਉਠ ਨੀ ਉਠ, ਸਾਰਾ ਦਿਨ ਬੱਚੇ ਨੂੰ ਲੈ ਕੇ ਬੈਠੀ ਰਹੇਗੀ। ਚੱਲ ਕੰਮ ਕਰ।'

'ਸਾਹਿਬ ਹੁਣੇ ਬੈਠੀ ਸੀ। ਬੱਚੇ ਨੂੰ ਭੁੱਖ ਲੱਗੀ ਸੀ।' ਮਜਦੂਰ ਔਰਤ ਥਥਲਾਓਦੀ ਹੋਈ ਬੋਲੀ। ਆਪਣੇ ਕੱਪੜੇ ਸੰਵਾਰਦੀ ਹੋਈ ਔਰਤ ਉਠ ਖੜੀ ਤੇ ਕੰਮ ਕਰਨ ਲੱਗ ਪਈ। ਪਰ, ਪਰਨੇ ਦੀ ਛਾਂਵੇ ਪਏ ਬੱਚੇ ਦੀਆਂ ਲੇਰਾਂ ਰੇਲ ਗੱਡੀ ਦੀਆਂ ਚੀਕਾਂ ਵਾਂਗ ਅਜੇ ਵੀ ਜਾਰੀ ਸਨ ।

ਏਨੇ ਨੂੰ ਇਕ ਕਾਰ ਆ ਕੇ ਰੁੱਕੀ। ਕਾਰ ਚੋ ਠੇਕੇਦਾਰ ਦਾ ਲੜਕਾ ਨਿਕਲਿਆ ਤੇ ਬਣ ਰਹੀ ਇਮਾਰਤ ਨੂੰ ਦੇਖਣ ਲੱਗ ਪਿਆ । ਠੇਕੇਦਾਰ ਬੋਲਿਆ, 'ਚੱਲ ਪੁੱਤ ਚੱਲ, ਗੱਡੀ 'ਚ ਬੈਠ, ਬਾਹਰ ਧੁੱਪ ਬਹੁਤ ਹੈ ।' ਠੇਕੇਦਾਰ ਦੇ ਇਹ ਬੋਲ ਮਜਦੂਰ ਔਰਤ ਦੇ ਸੀਨੇ 'ਚ ਤੀਰਾਂ ਵਾਂਗ ਜਾ ਖੁੱਭੇ, ਪਰ ਉਹ ਕਰ ਵੀ ਕੀ ਸਕਦੀ ਸੀ। ਉਹ ਤਾਂ ਦੋ ਵੇਲੇ ਦੀ ਰੋਟੀ ਹੱਥੋ ਮਜਬੂਰ ਸੀ ।

ਸੱਤੀ ਅਟਾਲਾਂ ਵਾਲਾ (ਹੁਣ ਦੁਬੱਈ, ਵਟਸ-ਅਪ ਨੰਬਰ
971544713889)

ਹੋਰ ਕਹਾਣੀਆਂ  >>