ਫ਼ਿੰਨਲੈਂਡ 13 ਮਾਰਚ - ਪੰਜਾਬ ਕਲਚਰਲ ਸੋਸਾਇਟੀ ਫ਼ਿੰਨਲੈਂਡ ਦੇ ਪ੍ਰਬੰਧਕਾਂ ਵਲੋਂ ਬੀਤੇ ਐਤਵਾਰ ਨੂੰ ਅਪ੍ਰੈਲ ਮਹੀਨੇ ਕਰਵਾਏ ਜਾ ਰਹੇ ਵਿਸਾਖੀ ਮੇਲੇ ਦੀਆਂ ਤਿਆਰੀਆਂ ਬਾਬਤ ਇੱਕ ਮੀਟਿੰਗ ਕੀਤੀ ਗਈ। ਪੀਸੀਐਸ ਫ਼ਿੰਨਲੈਂਡ ਦੇ ਪ੍ਰਧਾਨ ਸ੍ਰ. ਹਰਵਿੰਦਰ ਸਿੰਘ ਖਹਿਰਾ ਨੇ ਵਿਸਾਖੀ ਮੇਲਾ ਨੂੰ ਸਫ਼ਲਤਾ ਪੂਰਵਕ ਨੇਪਰੇ ਚਾੜਨ ਲਈ  ਵੱਖ - ਵੱਖ ਕਮੇਟੀਆਂ ਦਾ ਸੰਗਠਨ ਕੀਤਾ। ਇਸ ਦੌਰਾਨ ਓਨ੍ਹਾਂ ਕਿਹਾ ਕਿ ਫ਼ਿੰਨਲੈਂਡ ਵਿੱਚ ਵਿਸਾਖੀ ਮੇਲਾ 2016 ਅਗਲੇ ਮਹੀਨੇ 17 ਅਪ੍ਰੈਲ ਦਿਨ ਐਤਵਾਰ ਨੂੰ ਬੜੀ ਧੂਮਧਾਮ ਨਾਲ ਮਨਾਇਆ ਜਾਵੇਗਾ। ਮੀਟਿੰਗ ਦੌਰਾਨ ਪ੍ਰਧਾਨ ਸ੍ਰ. ਹਰਵਿੰਦਰ ਸਿੰਘ ਖਹਿਰਾ, ਖਜ਼ਾਨਚੀ ਰਣਜੀਤ ਸਿੰਘ ਗਿੱਲ,  ਮੀਤ ਸਕੱਤਰ ਅਮਰਦੀਪ ਸਿੰਘ ਬਾਸੀ, ਮੀਤ ਪ੍ਰਧਾਨ ਰਣਜੀਤ ਬਨਵੈਤ, ਤੰਨੂ ਸੈਣੀ, ਮੀਡੀਆ ਪਾਰਟਨਰ ਬਿਕਰਮਜੀਤ ਸਿੰਘ ਵਿੱਕੀ, ਹਰਦੀਪ ਸੈਣੀ, ਜੱਸੂ ਪਾਬਲਾ, ਮੋਨੂੰ ਬਨਵੈਤ ਅਤੇ ਕਰੀਨਾ ਮੋਖਾ ਵਲੋਂ 1 ਚੇਤ ਨੂੰ ਨਾਨਕਸ਼ਾਹੀ 548 ਸੰਮਤ ਵਿੱਚ ਪਰਵੇਸ਼ ਹੋਣ ਦੀਆਂ ਦੇਸ਼ ਵਿਦੇਸ਼ ਦੀਆਂ ਸਮੁਚੀਆਂ ਨਾਨਕ ਨਾਮ ਲੇਵਾ ਸੰਗਤਾਂ ਨੂੰ ਲੱਖ ਲੱਖ ਵਧਾਈਆਂ ਦਿੱਤੀਆਂ ਅਤੇ ਅਰਦਾਸ ਕੀਤੀ ਕਿ ਨਵਾਂ ਸਾਲ ਖੁਸ਼ੀਆਂ ਭਰਿਆ ਤੇ ਖਾਲਸੇ ਪੰਥ ਦੀ ਏਕਤਾ ਅਤੇ ਚੜਦੀ ਕਲਾ ਵਾਲਾ ਰਹੇ I

Bikramjit Singh (vicky moga)
vickymoga@hotmail.com
+358 503065677
Finland.