ਧਨ, ਦੌਲਤ, ਪੈਸਾ, ਮਾਇਆ ਤੇਰੇ ਨਾਮ ਅਨੇਕ
ਲੋਕਾਂ ਨੇ ਪੈਸੇ ਕਮਾਉਣ ਦੇ ਤਰੀਕੇ ਲਾਏ ਅਨੇਕ

ਪੈਸੇ ਨੇ ਰਿਸ਼ਤਿਆਂ 'ਚ ਕਰਾਏ ਝਗੜੇ ਅਨੇਕ
ਪਰਸੋ, ਪਰਸਾ, ਪਰਸ ਰਾਮ ਦੇ ਬਣਾਏ ਨਾਮ ਅਨੇਕ

ਧੀਆਂ-ਪੁੱਤਰਾਂ ਨੂੰ ਭੁੱਲ ਗਏ ਲੋਕੀ
ਪੈਸੇ ਦੇ ਪਿੱਛੇ ਹੱਥ ਧੋ ਕੇ ਪੈ ਗਏ ਲੋਕੀ

ਨੋਟਾਂ ਪਿੱਛੇ ਆਪਣੇ ਛੱਡ ਪਰਦੇਸਾਂ 'ਚ ਭੱਜ ਗਏ ਲੋਕੀ
ਨੋਟਾਂ ਪਿੱਛੇ ਇਹ ਤੇਰਾ ਮੇਰਾ ਕਰਦੇ ਲੋਕੀ

ਨੋਟਾਂ ਨੇ ਕੀਤੇ ਕਈ ਘਰ ਤਬਾਹ ਯਾਰੋ
ਨੋਟਾਂ ਨੇ ਕਈਆਂ ਨੂੰ ਬਣਾਇਆ ਕੰਗਾਲ ਯਾਰੋ

ਨਾ ਕਿਸੇ ਦਾ ਇਹ ਹੋਇਆ ਤੇ ਨਾ ਕਿਸੇ ਦਾ ਹੋਵੇਗਾ ਯਾਰੋ
ਅੱਜ ਮੇਰੇ ਹੱਥ ਕੱਲ ਤੁਹਾਡੇ ਹੱਥ ਹੋਵੇਗਾ ਯਾਰੋ

ਇਸ ਮੀਤ ਦੀ ਗੱਲ ਨੂੰ ਹਮੇਸ਼ਾ ਲਈ ਰੱਖਣਾ ਯਾਦ ਲੋਕੋ
ਐਵੇ ਨਾ ਅੰਹਕਾਰ 'ਚ ਕਦੀ ਆ ਜਾਇਉ ਲੋਕੋ

ਗੁਰਮੀਤ ਕੌਰ ਮੀਤ, ਮਲੋਟ

09/11/2013