|
ਅੱਜ
ਮਮਤਾ ਸੇਤੀਆ ਸੇਖਾ,
ਪੰਜਾਬ
ਅੱਜ ਨੂੰ ਜਾਣੋਂ, ਅੱਜ ਨੂੰ ਪਛਾਣੋਂ,
ਇਸ ਅੱਜ ਦੀ ਅੱਜ ਨੂੰ ਯਾਰੋ,
ਸਭੇ ਜੀਅ ਭਰ-ਭਰ ਕੇ ਮਾਣੋ ।
ਅੱਜ ਲੰਘੀ ਜੋ ਕੱਲ ਹੋ ਗਈ,
ਬੀਤ ਗਏ ਦੇ ਵੱਲ ਹੋ ਗਈ।
ਲੰਘੀ
ਕਲ ਤਾਂ ਲੰਘ ਗਈ ਏ,
ਮੁੜ ਨਾ ਆਏ, ਉਹਨੂੰ ਕੀ ਪਈ ਏ ।
ਪਰ ਉਹ
ਬਹੁਤ ਸਿਖਾ ਸਕਦੀ ਹੈ,
ਅੱਜ ਤਾਂਈ ਰੁਸ਼ਨਾ ਸਕਦੀ ਹੈ ।
ਅੱਜ ਮਗਰੋਂ ਜੋ ਕੱਲ ਆਵੇਗੀ,
ਕੀ ਪਤਾ, ਕੀ ਲਿਆਏਗੀ।
ਲੰਘੀ ਅੱਜ ਇਤਿਹਾਸ ਬਣੇਂਗੀ,
ਜ਼ਿੰਦਗੀ ਦੇ ਲਈ
ਖ਼ਾਸ ਬਣੇਂਗੀ।
ਅੱਜ ਅੱਜ ਨੂੰ ਜਿਉ, ਅੱਜ ਹੋ ਜਾਉ,
ਅੱਜੇ ਈ ਨਾ ਅੱਜ
ਨੂੰ ਕੱਲ ਬਣਾਉ।
ਇਸ ਅੱਜ ਨੇ ਕਦੋਂ ਆਖਰੀ ਹੋ ਜਾਣਾ,
'ਮਮਤਾ'
ਬੀਤ ਜਾਣਾ ਕਦ ਭਾਣਾ।
ਅੱਜ ਨੂੰ ਜਾਣੋਂ, ਅੱਜ ਨੂੰ
ਪਛਾਣੋਂ,
ਅੱਜ ਨੂੰ ਜੀਅ ਭਰ ਭਰ ਕੇ ਮਾਣੋ ।
29/11/2019
ਸੋਚਦੀ ਹਾਂ
ਮਮਤਾ
ਸੇਤੀਆ ਸੇਖਾ, ਪੰਜਾਬ
ਸੋਚਦੀ ਹਾਂ
ਤੇਰੀਆਂ ਉਲਝਣਾਂ ਨੂੰ
ਸਮਝਾਂ।
ਪਰ ਕਿਵੇਂ ?
ਆਪਣਿਆਂ 'ਚ' ਉਲਝ
ਕੇ ਰਹਿ ਗਈ ਹਾਂ।
ਸੋਚਦੀ ਹਾਂ,
ਤੈਨੂੰ ਯਾਦ ਕਰਾਂ ਪਲ ਦੋ ਪਲ।
ਪਰ ਕਿਵੇਂ ?
ਜੇ
ਕਦੇ ਭੁੱਲੀ ਹੋਵਾ ਤਾਂ।
ਸੋਚਦੀ ਹਾਂ,
ਤੇਰੀ ਯਾਦ ਵਿੱਚ ਹੰਝੂ
ਕੇਰਾਂ ਦੋ-ਚਾਰ।
ਪਰ ਕਿਵੇਂ ?
ਇੱਥੇ ਤਾਂ ਲੱਗੀ ਐ
ਸਾਉਣ
ਭਾਦੋਂ ਦੀ ਝੜੀ ।
ਸੋਚਦੀ ਹਾਂ,
ਹਵਾ ਦੇ ਰੁਖ ਨੂੰ ਬਦਲਾਂ।
ਪਰ ਕਿਵੇਂ ?
ਇੱਥੇ ਤਾਂ ਚਾਰ -ਚੁਫੇਰੇ
ਆਉਂਦੀ ਐ ਝੂਠ, ਫਰੇਬ,
ਮਕਾਰੀ ਦੀ ਹਵਾ।
ਸੋਚਦੀ ਹਾਂ,
ਮਨੁੱਖ ਵਿੱਚੋ ਮਨੁੱਖਤਾ ਨੂੰ
ਜਗਾਵਾਂ।
ਪਰ ਕਿਵੇਂ ?
ਇੱਥੇ ਮਨੁੱਖ ਤਾਂ ਸੁੱਤਾ
ਪਿਆ ਏ
ਮੰਦਰ, ਗੁਰਦੁਆਰੇ, ਮਸੀਤ ਵਿੱਚ ।
ਸੋਚਦੀ ਹਾਂ,
ਧਰਤੀ
ਬਣਾਂ,
ਐ ਧਰਤੀ !
ਤੇਰੇ ਵਾਂਗੂ ਚੁਪ,-ਚਾਪ ਸਭ
ਕੁੱਝ ਜਰਾਂ।
ਪਰ ਕਿਵੇਂ ?
ਮੇਰੇ ਵਿੱਚ ਤੇਰੇ ਵਾਂਗੂ ਸਬਰ, ਸੰਤੋਖ,
ਧੀਰਜ ਨਹੀ ।
ਪਰ, ਫਿਰ ਵੀ, ਸੋਚਦੀ ਹਾਂ,
'ਮਮਤਾ' ਬਣਾ ਧਰਤੀ
ਤੇ ਸਿਰਫ ਧਰਤੀ ਬਣਾਂ!
ਧਰਤੀ ਵਾਂਗੂ ਸਾਰੇ ਸੁੱਖ-ਦੁੱਖ ਜਰਾਂ।
29/11/2019
|
