ਮਸ਼ਹੂਰ ਹਲਵਾਈ
ਹਰਜੀਤ ਸਿੰਘ ਚੰਡੀਗੜ੍ਹ 

ਅਸੀਂ ਸ਼ਹਿਰ ਦੇ ਮਸ਼ਹੂਰ ਹਲਵਾਈ
ਦੁੱਧ ਤੇ ਕਦੇ ਮਲਾਈ ਨਹੀਂ ਆਈ
ਮਿਠਾਈ ਜਾਂਦੇ ਅਸੀਂ ਬਣਾਈ
ਲੋਕੀ ਜਾਂਦੇ ਖਾਈ
ਸਿਹਤ ਮਹਿਕਮਾ ਦਿੰਦਾ ਫਿਰੇ ਦੁਹਾਈ
ਇਹ ਨਕਲੀ ਦੁੱਧ ਤੋਂ ਹੈ ਬਣਾਈ
ਅੰਦਰ ਜਾ ਕੇ ਕਰਦੂਗੀ ਸਫਾਈ
ਡਾਕਟਰ ਕੋਲੋਂ ਲੈਣੀ ਪਊ ਦਵਾਈ
ਸਰਕਾਰ ਆਪਣੇ ਰੱਖੇ ਹਲਵਾਈ
ਘਰ ਘਰ ਜਾ ਕੇ ਦੁੱਧ ਦੀ ਕਰੇ ਚੁਆਈ
ਫਿਰ ਬਣੇਗੀ ਅਸਲੀ ਮਠਿਆਈ
ਅਸੀਂ ਸ਼ਹਿਰ ਦੇ ਮਸ਼ਹੂਰ ਹਲਵਾਈ

19/10/2024

ਸ਼ਰਾਬ ਤੇ ਪੁਲਿਸ ਨਾਕੇ
ਹਰਜੀਤ ਸਿੰਘ ਚੰਡੀਗੜ੍ਹ 

ਬਾਹਰ ਪੀਂਦੇ ਨੇ ਜਿਹੜੇ ਸ਼ਰਾਬ
ਇਕੱਠੇ ਹੋ ਜਾਂਦੇ ਕਈ ਜਨਾਬ
ਪੈੱਗ ਲਾ ਆਉਣ ਲੱਗਦਾ ਸਵਾਬ
ਮਨ ਵਿੱਚ ਆਉਂਦੇ ਬੜੇ ਖਵਾਬ
ਫਿਰ ਗੱਲਾਂ ਕਰਦੇ ਲਾਜਵਾਬ
ਬਣ ਜਾਂਦੇ ਨੇ ਫਿਰ ਨਵਾਬ
ਸਟੇਰਿੰਗ ਤੇ ਬੈਠ ਗਏ ਨੇ ਜਨਾਬ
ਨਾਕੇ ਤੇ ਪੁਲਿਸ ਨਾਪੇ ਸ਼ਰਾਬ
ਕਿੰਨੇ ਪੈੱਗ ਪੀਤੇ ਦੱਸੋ ਜੀ ਜਨਾਬ
ਫਿਰ ਆਇਆ ਨੀ ਕੋਈ ਜਵਾਬ
ਗੱਲਾਂ ਕਰਦਾ ਸੀ ਲਾਜਵਾਬ
ਬਣਿਆ ਫਿਰਦਾ ਸੀ ਨਵਾਬ
ਬਾਹਰ ਪੀਂਦੇ ਨੇ ਜਿਹੜੇ ਸ਼ਰਾਬ

12/10/2024

ਮੈਂ ਚੱਲਿਆ ਅਮਰੀਕਾ
ਹਰਜੀਤ ਸਿੰਘ ਚੰਡੀਗੜ੍ਹ 

ਡੋਂਕੀ ਲਾ ਮੈਂ ਚੱਲਿਆ ਸੀ ਅਮਰੀਕਾ
ਪਨਾਮਾ ਦੇ ਜੰਗਲਾਂ ਚ ਨਿਕਲਣ ਮੇਰੀਆਂ ਚੀਕਾਂ
ਨੱਕ ਰਗੜ ਕੇ ਕੱਢਾ ਮੈਂ ਲੀਕਾ
ਮੈਨੂੰ ਵਾਪਸ ਭੇਜੋ ਮੈਂ ਨੀ ਜਾਣਾ ਅਮਰੀਕਾ
ਹੌਸਲਾ ਦੇ ਕੇ ਮਿੱਤਰਾਂ ਨੇ ਦੱਸਿਆ ਤਰੀਕਾ
ਨਦੀ ਪਾਰ ਕਰਕੇ ਬਾਰਡਰ ਤੇ ਹੈ ਅਮਰੀਕਾ
ਮੈਂ ਮਾਰਨੀਆਂ ਛੱਡੀਆਂ ਚੀਕਾਂ
ਬਾਰਡਰ ਪਾਰ ਕਰਦੇ ਲੱਗਿਆ ਅੜੀਕਾ
ਜੇਲ ਦੇ ਅੰਦਰ ਪੁਲਿਸ ਕਰੇ ਸਰੀਕਾ
ਭੁੱਖੇ ਭਾਣੇ ਘਰਦਿਆਂ ਨੂੰ ਮੈਂ ਉਡੀਕਾਂ
ਮੈਂ ਵਾਪਸ ਜਾਣਾ, ਮੈਂ ਨਹੀਂ ਜਾਣਾ ਅਮਰੀਕਾ
ਪੰਜਾਬ ਆ ਕੇ ਮੈਨੂੰ ਸੋਹਣਾ ਲੱਗੇ ਬਗੀਚਾ
ਸਿੱਧੇ ਰਸਤੇ ਜਾਓ, ਜੇ ਜਾਣਾ ਅਮਰੀਕਾ

09/10/2024

ਪਰਮਾਣੂ ਬੰਬ
ਹਰਜੀਤ ਸਿੰਘ ਚੰਡੀਗੜ੍ਹ 
 
ਕਹਿੰਦੇ ਇਰਾਨ ਨੇ ਬਣਾ ਲਿਆ ਪਰਮਾਣੂ ਬੰਬ
ਅਮਰੀਕਾ ਇਜਰਾਇਲ ਸਾਰੇ ਲੱਗੇ ਡਰਨ
ਮੀਟਿੰਗਾਂ ਕਰਦੇ ਹੁਣ ਕੀ ਕਰਨ
ਚੱਲ ਗਏ ਹੋ ਜਾਣਾ ਸਭ ਦਾ ਮਰਨ
ਲੈਣ ਲੱਗੇ ਇੱਕ ਦੂਜੇ ਦੀ ਸਰਨ
ਆਉਣੀ ਚਾਹੀਦੀ ਸਭ ਨੂੰ ਸ਼ਰਮ
ਸਾਰੇ ਦੇਸ਼ ਮਿਲ ਕੇ ਕਰੋ ਪਰਨ
ਖਤਮ ਕਰਾਂਗੇ ਪਰਮਾਣੂ ਬੰਬ
ਕੋਈ ਇਨਸਾਨ ਨਹੀਂ ਦੇਣਾ ਮਰਨ
ਛੋਟੇ ਹਥਿਆਰ ਨਾਲ ਲੱਗੇ ਰਹਾਂਗੇ ਲੜਨ
ਖਤਮ ਹੋਵੇ ਪਰਮਾਣੂ ਜੰਗ 
08/10/2024

ਕਰਾਂਗੇ ਹਮਲੇ
ਹਰਜੀਤ ਸਿੰਘ ਚੰਡੀਗੜ੍ਹ 

ਇਜਰਾਇਲ ਅਮਰੀਕਾ ਕਹਿੰਦੇ ਕਰਾਂਗੇ ਹਮਲੇ
ਫਿਰਦੇ ਨੇ ਇਹ ਸਾਰੇ ਚੰਮਲੇ
ਹੋ ਗਏ ਸਾਰੇ ਇਹ ਕਮਲੇ
ਮਿਜਾਇਲਾਂ ਮਾਰ ਮਾਰ ਮੁੱਕ ਜਾਣੇ ਦਮੜੇ
ਫਿਰ ਕੱਢੋਗੇ ਇੱਕ ਦੂਜੇ ਦੇ ਤਰਲੇ
ਬਿਨਾਂ ਮਤਲਬ ਤੋਂ ਲੱਖਾਂ ਲੋਕ ਮਰਲੇ
ਇਨਸਾਨ ਹੋਕੇ ਇਹ ਕੀ ਕੰਮ ਕਰਲੇ
ਹੁਣ ਕੀ ਕਰੋਗੇ ਬਾਰਡਰ ਜਾ ਪਰਲੇ
ਸਾਰੇ ਲੋਕ ਮਾਰਤੇ ਕਰ ਕਰ ਹਮਲੇ
ਮੈਂ ਸਾਰੇ ਦੇਸ਼ਾਂ ਦੇ ਲੀਡਰ ਫੜਲੇ
ਇੱਕ ਜਗ੍ਹਾ ਤੇ ਇਕੱਠੇ ਕਰਲੇ
ਬੰਨਕੇ ਬਿਠਾਲੇ ਕੱਢਣ ਮੇਰੇ ਤਰਲੇ
ਹੁਣ ਕਰੋ ਇੱਕ ਦੂਜੇ ਤੇ ਹਮਲੇ

08/10/2024

ਸੱਚ ਦਾ ਸਾਹਮਣਾ
ਸਰਕਾਰੀ ਜਵਾਈ
ਹਰਜੀਤ ਸਿੰਘ ਚੰਡੀਗੜ੍ਹ 

ਮੰਤਰੀ ਕਹਿੰਦੇ ਕਮਲੇ ਲੋਕਾਂ ਨੇ ਵੋਟ ਪਾਈ
ਅਸੀਂ ਬਣਗੇ ਸਰਕਾਰੀ ਜਵਾਈ
ਤਨਖਾਹ ਜਾਂਦੇ ਅਸੀਂ ਪਾਈ
ਉਪਰੋ ਵਧੀਆ ਹੁੰਦੀ ਕਮਾਈ
ਜਨਤਾ ਵਿੱਚ ਕਦੇ ਹਾਜਰੀ ਨੀ ਲਵਾਈ
ਜਨਤਾ ਦਿੰਦੀ ਫਿਰੇ ਦੁਹਾਈ
ਸਰਕਾਰ ਕਿਸੇ ਕੰਮ ਨਾ ਆਈ
ਅਪਣੇ ਵਾਅਦੇ ਜਾਂਦੀ ਹੈ ਲਮਕਾਈ
ਲੋਕਾਂ ਦੀ ਕਰ ਦਿੰਦੀ ਘਸਾਈ
ਹਰਰੋਜ ਮਹਿੰਗਾਈ ਜਾਂਦੀ ਵਧਾਈ
ਸਰਕਾਰ ਨੇ ਵਿਉਤਬੰਦੀ ਐਸੀ ਬਣਾਈ
ਹੱਕ ਮੰਗਣ ਤੇ ਪੁਲਿਸ ਤੋਂ ਕਰਾਉਦੇ ਕੁਟਾਈ
ਲੋਲੀਪੋਪ ਦੇਕੇ ਮੱਗਰ ਰਖਦੇ ਲਾਈ
ਪੰਜ ਸਾਲ ਬਾਦ ਫੇਰ ਵੋਟਾਂ ਦੀ ਰੁੱਤ ਆਈ
ਬਣ ਜਾਣਾ ਫੇਰ ਸਰਕਾਰੀ ਜਵਾਈ
ਕਮਲੇ ਲੋਕੋ ਹੁਣ ਵੋਟ ਦੇਖਕੇ ਪਾਈ

19/04/2024

ਕੁਦਰਤ ਤੇ ਮਨੁੱਖ
ਹਰਜੀਤ ਸਿੰਘ ਚੰਡੀਗੜ੍ਹ 

ਕੁਦਰਤ ਦੇ ਨੇੜੇ ਜਾ ਬੈਠਾ ਮਨੁੱਖ ॥
ਉਥੇ ਬੈਠ ਕੇ ਮਿਲਦਾ ਉਸਨੂੰ ਸੁੱਖ ॥
ਸੁੱਖ ਮਿਲਦੇ ਹੀ ਵੱਧਦੀ ਜਾਵੇ ਭੁੱਖ ॥
ਕੁਦਰਤ ਦੇ ਜਿਸਮ ਨੂੰ ਕਰਨ ਲੱਗਦਾ ਟੁੱਕ॥
ਮਨੁੱਖ ਕਹੇ ਨਦੀ ਝਰਨਿਆਂ ਇੱਥੇ ਹੀ ਰੁੱਕ॥
ਕੁਦਰਤ ਨੂੰ ਇਹ ਦੇਖ ਕੇ ਹੁੰਦਾ ਬੜਾ ਦੁੱਖ॥
ਕੁਦਰਤ ਕੁਰਲਾਵੇ ਕਹੇ ਓਏ ਮਨੁੱਖ॥
ਕੁਦਰਤ ਕਿਸੇ ਅੱਗੇ ਨਹੀਂ ਸਕਦੀ ਝੁਕ॥
ਕੁਦਰਤ ਕਹੇ ਮਨੁੱਖ ਇੱਥੋਂ ਗੁੱਲੀ ਜੁੱਲੀ ਚੁੱਕ॥
ਤੇਰਾ ਜਾਣਾ ਇੱਥੋਂ ਸਭ ਕੁੱਝ ਮੁੱਕ॥
ਨਦੀ ਝਰਨੇ ਰਾਹ ਬਦਲ ਕੇ ਦੇਣਾ ਥੱਲੇ ਸੁੱਟ॥
ਮੈਂ ਰਹਿੰਦੀ ਹਾਂ ਇਕੱਲੀ ਇੱਥੇ ਚੁੱਪ॥
ਕੁਦਰਤ ਨੇੜੇ ਬੈਠ ਕੇ ਲੈਣਾ ਜੇ ਤੂੰ ਸੁਖ॥
ਮੇਰੇ ਕੋਲ ਬੈਠ ਕੇ ਰਿਹਾ ਕਰ ਚੁੱਪ॥
ਕੁਦਰਤ ਦੇ ਨੇੜੇ ਜਾ ਬੈਠਾ ਮਨੁੱਖ॥

15/04/2024

ਸੱਚ ਦਾ ਸਾਹਮਣਾ
ਹਰਜੀਤ ਸਿੰਘ ਚੰਡੀਗੜ੍ਹ 

ਬਾਬਿਆਂ ਦੇ ਡੇਰੇ
ਇਜਰਾਇਲ,ਗਾਜਾ ਪੱਟੀ ਵਿੱਚ ਬਾਬਿਆਂ ਦੇ ਖੋਲੋ ਡੇਰੇ
ਲੜਾਈ ਝਗੜੇ ਹੋ ਗਏ ਬਥੇਰੇ
ਬਾਬੇ ਲਿਆਉਣਗੇ ਲੋਕਾਂ ਨੂੰ ਨੇੜੇ
ਕੀਰਤਨ ਕਰਨਗੇ ਸ਼ਾਮ ਸਵੇਰੇ
ਨੇਤਾ ਲੋਕ ਬਾਬਿਆਂ ਦੇ ਕੱਢਣਗੇ ਗੇੜੇ
ਜਿਹੜੇ ਮੁਲਕਾਂ ਨੇ ਝਗੜੇ ਹੈ ਸਹੇੜੇ
ਬਾਬੇ ਬੁਲਾਉਣਗੇ ਆਪਣੇ ਡੇਰੇ
ਬਾਬਿਆਂ ਦੇ ਪੈਰੀ ਹੱਥ ਲਾਉਣਗੇ ਜਿਹੜੇ
ਰੱਬ ਦੇ ਉਨੀ ਹੀ ਜਾਓਗੇ ਨੇੜੇ
ਭਾਰਤ ਵਿੱਚ ਬਾਬਿਆਂ ਨੇ ਖੋਲੇ ਹੋਏ ਨੇ ਡੇਰੇ
ਛੋਟੇ ਮੋਟੇ ਝਗੜੇ ਮਿਲਦੇ ਸਭ ਨੂੰ ਮੇਵੇ
ਅਰਬ ਦੇਸਾਂ ਵਿੱਚ ਬਾਬਿਆਂ ਦੇ ਖੋਲੋ ਡੇਰੇ
ਲੋਕੀ ਆਉਣਗੇ ਰੱਬ ਦੇ ਨੇੜੇ

15/04/2024

ਘੁਟਾਲੇ ਅਤੇ ਸ਼ਰਾਬ
ਹਰਜੀਤ ਸਿੰਘ ਚੰਡੀਗੜ੍ਹ 

ਘੁਟਾਲਿਆ ਦੇ ਵਿੱਚ ਆ ਗਈ ਸ਼ਰਾਬ
ਕਰੋੜਾਂ ਘਪਲੇ, ਕੁਰਸੀ ਦਾ ਦੇਖਣ ਖਵਾਬ
ਕੇਜਰੀਵਾਲ ਹੋ ਗਿਆ ਗ੍ਰਿਫਤਾਰ
ਕੈਸੀ ਹੈ ਰਾਜਨੀਤੀ ਦੀ ਚਾਲ
ਆ ਗਿਆ ਦੇਸ਼ ਚ ਭੁਚਾਲ
ਦੋਵੇਂ ਪਾਰਟੀਆਂ ਦੇ ਰਹੀਆਂ ਜਵਾਬ
ਕਰੋੜਾਂ ਕਿਹਨੇ ਖਾਧੇ ਹੋਊਗਾ ਹਿਸਾਬ
ਚੋਣਾਂ ਦਾ ਗਰਮ ਹੋ ਗਿਆ ਬਾਜ਼ਾਰ
ਕਿਹਨੂੰ ਵੋਟ ਪਾਈਏ ਦੱਸੋ ਜੀ ਜਨਾਬ
ਕਿਹੜੇ ਬੰਦਿਆਂ ਨੂੰ ਬਣਾਈਏ ਨਵਾਬ
ਜਨਤਾ ਦੇ ਪੂਰੇ ਹੋਣ ਖਵਾਬ
04/04/2024

ਤਰੱਕੀ ਦੀਆਂ ਪੜਾਈਆ
ਹਰਜੀਤ ਸਿੰਘ ਚੰਡੀਗੜ੍ਹ 

ਕਈ ਦੇਸ਼ ਲੜ ਰਹੇ ਨੇ ਲੜਾਈਆਂ
ਕਹਿੰਦੇ ਕੀਤੀਆਂ ਬਹੁਤ ਪੜਾਈਆ
ਤਰੱਕੀ ਦੀਆਂ ਮਿਸਾਲਾਂ ਅਸੀਂ ਪਾਈਆ
ਸਭ ਨੇ ਬਣਾਈਆ ਪਰਮਾਣੂ ਮਿਜ਼ਾਈਲਾਂ
ਕਹਿੰਦੇ ਗੋਡੀਆਂ ਸਭ ਦੀਆਂ ਲਵਾਈਆਂ
ਮਿਜ਼ਾਈਲਾਂ ਮਾਰ ਬਿਲਡਿੰਗਾ ਢਾਈਆਂ
ਆਮ ਲੋਕਾਂ ਜਾਨਾਂ ਕਈ ਗਵਾਈਆ
ਜਿਥੇ ਖੁਸ਼ੀ ਦੀਆਂ ਵਜਦੀਆਂ ਸੀ ਸਹਿਨਾਈਆਂ
ਉਥੇ ਦੱਖਾਂ ਦੀਆਂ ਧੁੰਨਾਂ ਵਜਾਈਆਂ
ਸਾਰੀਆਂ ਬੇਕਾਰ ਗਈਆ ਪੜਾਈਆ
ਜਿਥੇ ਮਿਜ਼ਾਈਲਾਂ ਨਾਲ ਹੋਣ ਲੜਾਈਆ
04/04/2024

ਹਰਜੀਤ ਸਿੰਘ
ਚੰਡੀਗੜ੍ਹ