ਫਿਰੋਜ਼ਪੁਰ  ਵਿੱਚ  ਭਾਜਪਾ  ਦੀ ਰੈਲੀ ਰੱਦ ਤੇ ਪ੍ਰਧਾਨ ਮੰਤਰੀ  ਦੇ ਕਾਫਲੇ ਦੇ  ਆਈ ਰੁਕਾਵਟ ਨੂੰ  ਲੈ ਕੇ ਭਾਜਪਾ  ਦੀ ਕੇਂਦਰੀ ਮੰਤਰੀ  ਸਿਮਰਤੀ ਇਰਾਨੀ ਦਿੱਲੀ  ਦੇ ਪ੍ਰੈੱਸ ਕਾਨਫਰੰਸ  ਕਰਕੇ  ਪੰਜਾਬ ਸਰਕਾਰ ਤੇ ਕਾਂਗਰਸ  ਪਾਰਟੀ  ਨੂੰ  ਘੇਰਿਆ ਹੈ।  

ਭਾਜਪਾ  ਦੇ ਕੌਮੀ ਪ੍ਰਧਾਨ  ਜੇ ਪੀ ਨੱਢਾ ਨੇ 'ਟਵੀਟ' ਕਰਕੇ  ਕਿਹਾ  ਕਿ ਜੇ ਪੰਜਾਬ ਦੇ ਮੁੱਖ  ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ  ਸੁਰੱਖਿਆ ਨਹੀਂ  ਦੇ ਸਕਦੇ ਸੀ ਤਾਂ  ਉਨ੍ਹਾਂ ਨੂੰ  ਮੁੱਖ ਮੰਤਰੀ ਦੇ ਪਦ ਤੋਂ  ਅਸਤੀਫਾ ਦੇਣਾ ਚਾਹੀਦਾ  ਹੈ।  ਇਸੇ ਹੀ ਤਰ੍ਹਾਂ ਦਾ ਬਿਆਨ  ਕੇਂਦਰੀ ਮੰਤਰੀ  ਸਿਮਰਤੀ  ਇਰਾਨੀ ਦਾ  ਵੀ ਆਇਆ  ਹੈ।

ਉਨ੍ਹਾਂ ਨੇ ਤਿੱਖੇ ਸ਼ਬਦਾਂ ਵਿੱਚ  ਮੁੱਖ  ਮੰਤਰੀ ਪੰਜਾਬ   ਤੇ  ਡੀ ਜੀ ਪੀ ਪੰਜਾਬ  ਨੂੰ  ਇਸ ਦਾ ਦੋਸ਼ੀ ਮੰਨਿਆ  ਹੈ।  ਕੁੱਝ  ਖਬਰਾਂ  ਇਹ ਵੀ ਆਈਆਂ ਹਨ ਕਿ ਪ੍ਰਧਾਨ ਮੰਤਰੀ ਨੇ ਹੈਲੀਕਾਪਟਰ ਰਾਹੀ ਬਠਿੰਡਾ ਤੋਂ  ਫਿਰੋਜਪੁਰ  ਜਾਣਾ ਸੀ ਪਰ ਉਹਨਾਂ ਨੇ ਸੜਕ ਮਾਰਗ ਚੁਣਿਆ ਤੇ ਉਨ੍ਹਾਂ ਦਾ ਪੰਜਾਬ ਦੀਆਂ  ਸੁਰੱਖਿਆ ਏਜੰਸੀਆਂ ਦੇ ਨਾਲ ਤਾਲਮੇਲ ਨਹੀਂ  ਹੋਇਆ।  ਪ੍ਰਧਾਨ ਮੰਤਰੀ  ਨੇ ਬਠਿੰਡਾ  ਏਅਰ ਪੋਰਟ  ਉਤੇ ਪੁਜ ਕੇ ਜੋ ਕੁੱਝ  ਕਿਹਾ  ਉਹ ਬਹੁਤ ਗੰਭੀਰ ਦੋਸ਼ ਹੈ।  ਉਨ੍ਹਾਂ ਕਿਹਾ  ਕਿ ਜਿਉਂਦੇ  ਬਠਿੰਡਾ  ਪੁਜ ਗਏ ਹਨ ਤੇ ਉਨ੍ਹਾਂ ਦੇ ਜਿਉਂਦੇ ਪੁਜ ਜਾਣ ਦਾ ਮੁੱਖ ਮੰਤਰੀ  ਪੰਜਾਬ  ਦਾ ਧੰਨਵਾਦ ਕੀਤਾ ।  ਦੂਜੇ ਪਾਸੇ ਦਿੱਲੀ  ਦੇ ਕੇਂਦਰੀ ਮੰਤਰੀਆਂ ਨੇ ਪ੍ਰੈਸ ਕਾਨਫਰੰਸ  ਕੀਤੀ।
 
ਹੁਣ ਇਸ ਬਿਆਨ ਦੇ ਕੀ ਅਰਥ ਕੱਢੇ ਜਾਣ?

ਬਹੁਤ  ਸਾਰੇ ਲੋਕ ਇਹ ਵੀ ਆਖ ਰਹੇ ਹਨ ਕਿ 'ਭਾਜਪਾ'  ਇਸਨੂੰ  ਸੁਰੱਖਿਆ ਦੀ ਅਣਗਹਿਲੀ ਨੂੰ  ਲੈ ਕੇ ਪੰਜਾਬ  ਦੇ ਰਾਸ਼ਟਰਪਤੀ ਰਾਜ ਲਗਾਉਣ ਦਾ ਰਸਤਾ ਵੀ ਅਖਤਿਆਰ  ਕਰ ਸਕਦੀ  ਹੈ ।  ਪਰ ਜਿਸ ਤਰ੍ਹਾਂ  ਅੱਜ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਫਿਰੋਜ਼ਪੁਰ ਰੈਲੀ ਦੀ ਅਸਫ਼ਲਤਾ ਲਈ ਉਸਦੀ ਸਰਕਾਰ ਦੀਆਂ ਨੀਤੀਆਂ ਹੀ ਜ਼ਿੰਮੇਵਾਰ ਹਨ। ਨਰਿੰਦਰ ਮੋਦੀ ਦੀ ਸਰਕਾਰ ਨੇ ਆਪਣੇ ਕਾਰਜਕਾਲ ਦੌਰਾਨ ਅਜਿਹੀਆਂ ਨੀਤੀਆਂ ਅਪਣਾਈਆਂ ਹਨ ਜਿਨ੍ਹਾਂ ਕਾਰਨ ਦੇਸ਼ ਦੀ ਜਨਤਾ ਨੂੰ ਉਸਦੀ ਸਰਕਾਰ ਅਤੇ ਭਾਰਤੀ  ਜਨਤਾ ਪਾਰਟੀ ਨਾਲ ਬੇਹੱਦ ਨਰਾਜ਼ਗੀ ਹੈ।

ਮੋਦੀ ਸਰਕਾਰ ਵੱਲੋਂ ਕਿਸਾਨਾਂ ਨੂੰ ਸਾਲ ਭਰ ਤੋਂ ਵੱਧ ਲੰਬਾ ਸਮਾਂ ਦਿੱਲੀ ਦੇ ਵਾਰਡਰਾਂ ਅਤੇ ਰੋਲਣਾ ਉਸਦੀ ਸਰਕਾਰ ਨਾਲ ਜਨਤਾ ਦੀ ਨਰਾਜ਼ਗੀ ਦਾ ਅਹਿਮ ਕਾਰਨ ਹੈ। ਇਹੋ ਹੀ ਕਾਰਨ ਹੈ ਕਿ ਪੰਜਾਬ ਦੀ ਜਨਤਾ ਨੇ ਉਨ੍ਹਾਂ ਦੀ ਰੈਲੀ ਵਿਚ ਪਹੁੰਚਣ ਤੋਂ ਚੁੱਪਚਾਪ ਇਨਕਾਰ ਕਰ ਦਿੱਤਾ ਹੈ। ਮੋਦੀ ਸਰਕਾਰ ਨੂੰ ਆਪਣੀ ਇਸ ਰੈਲੀ ਦੀ ਅਸਫ਼ਲਤਾ ਦੇ ਅਸਲੀ ਕਾਰਨਾਂ ਨੂੰ ਸਮਝਣਾ ਚਾਹੀਦਾ ਹੈ।

ਦਿੱਲੀ  ਦੇ ਵਿੱਚ  378 ਦਿਨ ਚੱਲੇ ਕਿਸਾਨ ਮਜ਼ਦੂਰ ਅੰਦੋਲਨ  ਦੇ ਵਿੱਚ  750 ਦੇ ਕੁਰੀਬ ਕਿਸਾਨ ਮਜ਼ਦੂਰ  ਸ਼ਹੀਦੀਆਂ ਪਾ ਗਏ।  ਫਿਰੋਜ਼ਪੁਰ  ਦੇ ਮਸਾਂ ਪ੍ਰਧਾਨ ਮੰਤਰੀ  ਤੇਰਾਂ ਮਿੰਟ ਹੀ ਰੁਕੇ ਤੇ ਉਨ੍ਹਾਂ ਨੇ ਇਸਨੂੰ ਸੁਰੱਖਿਅਤ  ਦੇ ਨਾਲ ਜੋੜ ਕੇ ਪੰਜਾਬ ਨੂੰ  ਕਾਬੂ ਕਰਨ ਰਾਹ ਬਣਾਇਆ ਹੈ।  ਹੁਣ ਇਸ ਕੋਤਾਹੀ ਨੂੰ  ਲੈ ਕੇ ਕੇਂਦਰ ਸਰਕਾਰ ਕੀ ਪੰਜਾਬ ਸਰਕਾਰ ਤੇ ਲੋਕਾਂ  ਦੇ ਖਿਲਾਫ਼  ਕਦਮ ਚੁਕਦੀ ਹੈ ਅਜੇ ਕਹਿਣਾ ਮੁਸ਼ਕਿਲ  ਹੈ ।

ਪੰਜਾਬ ਦੀ ਜਨਤਾ ਨੂੰ ਸੁਚੇਤ ਰਹਿਣਾ ਚਾਹੀਦਾ ਹੈ ਕਿਉਂਕਿ ਸਰਕਾਰ ਆਪਣੀ ਇਸ ਨਾਕਾਮੀ ਨੂੰ ਛੁਪਾਉਣ ਲਈ ਐਸੇ ਬਹਾਨੇ ਘੜ ਸਕਦੀ ਹੈ ਜਿਨ੍ਹਾਂ ਦੇ ਆਧਾਰ ਉੱਤੇ ਪੰਜਾਬ ਦੀ ਜਨਤਾ ਨੂੰ ਸਰਕਾਰੀ ਜਬਰ ਦਾ ਨਿਸ਼ਾਨਾ ਬਣਾਇਆ ਜਾ ਸਕੇ। ਪੰਜਾਬ ਅੰਦਰ ਮੌਜੂਦ ਮੁੱਠੀਭਰ ਗਰਮ ਖਿਆਲੀ ਅਨਸਰਾਂ ਦੀਆਂ ਕਾਰਵਾਈਆਂ ਇਸ ਮਾਮਲੇ ਵਿਚ ਸਰਕਾਰ ਲਈ ਸਹਾਈ ਹੋ ਸਕਦੀਆਂ ਹਨ।

ਹੁਣ ਅਗਲੇ ਦਿਨਾਂ ਦੇ ਵਿੱਚ ਕੇਂਦਰ ਸਰਕਾਰ ਕੀ ਸਖਤ ਕਦਮ ਚੁਕਦੀ ਹੈ ?  

ਕੀ ਭਾਜਪਾ  ਆਪਣੀਆਂ  ਨਾਕਾਮੀਆਂ ਨੂੰ  ਛੁਪਾਉਣ ਦੇ ਲਈ ਪੰਜਾਬ ਦੇ ਲੋਕਾਂ  ਨੂੰ  ਦਿੱਲੀ ਦੇ ਹੋਈ ਕਿਸਾਨਾਂ ਮਜ਼ਦੂਰਾਂ ਦੀ ਜਿੱਤ ਨੂੰ  ਲੈ ਕੇ ਪੰਜਾਬ ਨੂੰ  ਫੇਰ ਕੀੜਿਆਂ ਦੇ ਭੌਣ ਉਤੇ ਸੁਟੇਗੀ ?  ਪੰਜਾਬ ਦੇ ਵਿੱਚ  ਤਾਂ  ਪਹਿਲਾਂ ਹੀ ਪੰਜਾਹ ਕਿਲੋਮੀਟਰ ਦਾ ਘੇਰਾ  ਬੀ.ਐੱਸ.ਐੱਫ  ਦੇ ਹਵਾਲੇ ਕਰ ਦਿੱਤਾ ਹੈ । ਹੁਣ ਭਵਿੱਖ ਵਿੱਚ  ਹੋਰ ਕੀ ਪਾਬੰਦੀਆਂ  ਲੱਗਦੀਆਂ  ਹਨ ਇਹ ਭਵਿੱਖ ਦੇ ਗਰਭ ਵਿੱਚ  ਹੈ ਪਰ ਇਹ ਜਰੂਰ  ਕਿਹਾ ਜਾ ਸਕਦਾ ਹੈ ਪੰਜਾਬ ਸਰਕਾਰ ਤੇ ਪੰਜਾਬ ਦੇ ਲੋਕਾਂ  ਦੇ ਮੁਸ਼ਕਿਲਾਂ ਵੱਧ ਸਕਦੀਆਂ ਹਨ ।