ਸੜਕੇ-ਸੜਕੇ ਜਾਂਦੀਏ ਮੁਟਿਆਰੇ ਨੀ ਕੰਡਾ ਚੁੱਭਾ ਚ...ਚੀ...ਚੁ......(ਦੀ ਅਵਾਜ਼)

ਇਹ ਅਵਾਜ਼ ਕਿਤੇ ਸੁਣੀ ਲਗਦੀ ਹੈ, ਅਪਣੇ ਹੀ ਘਰ ਪਏ ਉਸ ਰੇਡੀੳ 'ਚੋ ਇਹ ਅਵਾਜ਼ ਅਕਸਰ ਹੀ ਉਸ ਵਕਤ ਕੰਨਾ 'ਚ ਦੱਸਤਖ਼ ਦਿੱਦੀ ਸੀ ਜਦ ਵੀ ਕੋਈ ਅਪਣੀ ਪਸੰਦ ਦਾ ਗਾਣਾ ਚਲ ਰਿਹਾ ਹੁੰਦਾ ਸੀ,...ਪਰ ਇਸ ਦਾ ਜ਼ਿਮੇਵਾਰ ਕੋਣ ਹੁੰਦਾ ਸੀ? ਜੀ ਰੇਡੀੳ ਤਾ ਨਹੀ ਜ਼ਿਮੇਵਾਰ ਸਨ ਤਾ ਇਸ ਦੀਆ ਉਹ ਮਸ਼ੀਨਾ ਜਿਨਾ ਰਾਹੀ ਇਹ ਗੀਤ ਸਾਡੇ ਤਾਂਈਂ ਅੱਪੜ ਦੇ ਸਨ! ਜਦ ਵੀ ਕੋਈ ਅਜਹੀ ਅਨਾਉਂਸਮੈਟ  ਹੁੰਦੀ ਸੀ ਕਿ " ਕਿਸੇ ਤਕਨੀਕੀ ਖਰਾਬੀ ਕਾਰਨ ਅਸੀ ਤੁਹਾਨੂੰ ਇਹ ਗੀਤ ਨਹੀ ਸੁਣਾ ਸਕਦੇ, ਜਾ ਗੀਤ ਦਾ ਸ਼ੁਰੂ ਹੋਣ ਤੋ ਪਹਿਲਾ ਹੀ ਮੁੱਕ ਜਾਣਾ ਇਸ ਦਾ ਕਾਰਣ ਸਿਰਫ ਇਨ੍ਹਾ ਮਸ਼ੀਨਾ ਨੂੰ ਹੀ ਪਤਾ ਹੁੰਦਾ ਸੀ!

ਅੱਜ ਵੀ ਇਨ੍ਹਾ ਮਸ਼ੀਨਾ ਨੂੰ ਵੇਖ ਕੇ ਕੁੱਝ ਨਹੀ ਪਰ ਬਹੁਤ ਕੁੱਝ ਯਾਦ ਆਂਦਾ ਹੈ ਜਦ ਰੇਡੀੳ ਹੀ ਸਾਡੇ ਲਈ ਸਭ ਕੁੱਝ ਹੀ ਹੁੰਦਾ ਸੀ ਕਿਵੇ ਸਾਰੇ ਹੀ ਕੰਮ ਨਿਬੇੜ ਕੇ ਰੇਡੀੳ ਲਾਗੇ ਬੈਠ ਜਾਈ ਦਾ ਸੀ! ਮੈ, ਤੇ ਬੜੇ ਹੀ ਕਿੱਸੇ ਸੁਣੇ ਹਨ ਇਨਾ ਮਸ਼ੀਨਾ ਤੇ ਰੇਡੀੳ ਦੇ, ਕੇ ਜਦ ਰੇਡੀੳ ਹੀ ਇਕ ਸਾਧਨ ਹੁੰਦਾ ਸੀ ਤਾ ਕਿਵੇ ਸਭ ਇਕ ਦੂਜੇ ਦੇ ਘਰ ਜਾ ਜਾ ਕੈ ਰੇਡੀੳ ਸੁਣ ਦੇ ਸੀ!

ਇਨ੍ਹਾ ਮਸ਼ੀਨਾ ਦੇ ਕਿੱਸੇ ਤਾ ਹੋਰ ਵੀ ਚਟਪਟੇ ਹਨ, ਜਿਨ੍ਹਾਂ ਚੋ ਕੁੱਝ ਤਾ ਅੱਜ ਵੀ ਯਾਦ ਹਨ, ਕਿ ਕਿਵੇ ਇਨਾ ਮਸ਼ੀਨਾ ਦੀ ਸਪੀਡ ਲੂਜ਼  ਹੁੰਦੀ ਸੀ ਤੇ ਕੀਵੇ 'ਟੇਪਾਂ' ਦੀਆ ਸਲੂਪ ਗੈਬ ਹੁੰਦੀਆ ਸੀ ਤੇ ਕਿਵੇ ਟੇਪ ਅੜ ਦੀ ਸੀ! ਜਦੋ ਸੀ.ਟੀ.ਆਰ  ਟੇਪਾ ਅਤੇ ਟ੍ਰਨਟੇਬਲ  ਦਾ ਵੇਲਾ ਸੀ ਅੱਜ ਲਗਦਾ ਹੈ ਕਿ ਖੌਰੇ ਉੱਹ ਵੇਲਾ ਹੀ ਖੂਬ ਸੀ? ਅਕਸਰ ਹੀ ਰੇਡੀੳ ਸਟੇਸ਼ਨ 'ਚ ਜਦ 'ਡੀਊਟੀ ਰੂਮ' 'ਚ ਸੱਥ ਲਗਦੀ ਸੀ ਤਾ ਸੀਨੀਅਰ ਐਂਕਰ  ਜਦ ਅਪਣੇ ਵੇਲੇ ਦੀਆ ਗੱਲਾ ਕਰਦੇ ਸੀ ਕਿ ਉਸ ਵੇਲੇ ਕੰਮ ਕਰਨ ਦਾ ਇੱਕ 'ਥ੍ਰਿਲ ' ਹੁੰਦਾ ਸੀ ਇਨ੍ਹਾਂ ਮਸ਼ੀਨਾ ਨਾਲ ਇੱਕ ਸਾਂਝ ਹੰਦੀ ਸੀ ਜੋ 'ਕੰਮਪਿਉਟਰ' ਨਾਲ ਨਹੀ ਬਣਦੀ ਹੈ, ਜਦ ਟ੍ਰਨਟੇਬਲ  ਨਾਲ ਕੰਮ ਕਰੀ ਦਾ ਸੀ ਤਾਂ ਜੇ ਕਦੇ ਉਸ ਦੇ ਰਿਕਾਡ ਦੀ ਸੂਈ ਅੜ ਜਾਨੀ ਤੇ ਫਿਰ ਉਸ ਉੱਪਰ ਇੱਕ ਸਿੱਕਾ ਰੱਖ ਦੇਣਾ ਨਹੀ ਤਾਂ ਹਲਕਾ ਜਿਹਾ 'ਪੁਸ਼' ਕਰ ਦੇਣਾ....., ਕਦੀ-ਕਦੀ ਜੇ ਕਿਤੇ ਸੁਈ ਜ਼ੋਰ ਨਾਲ ਪੁਸ਼ ਹੋ ਜਾਂਦੀ ਸੀ, ਤਾਂ ਸੁਈ ਅਖੀਰ 'ਚ ਜਾ ਮਿਲਣੀ ਤੇ ਗਾਣਾ ਸ਼ੁਰੂ ਹੋਣ ਤੋ ਪਹਿਲਾ ਹੀ ਮੁੱਕ ਜਾਣਾ! ਇਕ ਹੋਰ ਕਿੱਸਾ ਜੋ ਮੈ 'ਸੁੱਖੀ ਮੈਡਮ ' ਤੋ ਸੁਣਿਆ ਸੀ ਕਿ ਸੀ.ਟੀ.ਆਰ  ਮਸ਼ੀਨਾ ਨਾਲ ਕਿਨਾ ਹੀ ਸੁਆਦ ਆਣਾ, ਪਰ ਜਦੋ ਕਿਤੇ 'ਸਪੀਡ ਲੂਜ਼' ਹੋ ਜਾਣੀ ਤਾਂ ਅਸੀ ਅੰਗੂਠੇ ਨਾਲ ਦੱਬ ਦੇਣਾ ਤੇ ਜੇ ਕਿਤੇ ਅੰਗੂਠਾ ਜ਼ੋਰ ਨਾਲ ਦਬਿਆ ਗਿਆ ਤਾਂ ਸਪੀਡ ਟ੍ਰਿਪਲ ਹੋ ਜਾਂਦੀ ਸੀ ਤੇ ਟੱਕਰ ਦੀ ਅਵਾਜ਼ ਮਾਇਕ ਮਾੳਸ  ਦੀ ਅਵਾਜ਼ ਵਰਗੀ ਹੋ ਜਾਣੀ ਚੀ.......ਚੁ......ਕਦੀ-ਕਦੀ ਟੇਪਾ ਚਲਾਣ ਲਈ ਸਲੂਪ ਨਹੀ ਮਿਲਦੀ ਸੀ ਤੇ ਕਦੀ ਟੇਪ ਟੁੱਟ ਜਾਂਦੀ ਸੀ, ਕਈ ਵਾਰੀ ਤੇ ਟੇਪਾ ਇੱਕ ਪਾਸੇ ਹੀ ਅੱੜ ਜਾਂਦੀਆ ਸੀ .......! ਇਹ ਗੱਲਾ ਸੁਣ ਕੇ ਅਪਣੇ ਆਪ ਨੂੰ ਬਹੁਤ ਚੰਗਾ ਲਗਣਾ ਤੇ ਆਪ ਵੀ ਉਸ ਵੇਲੇ 'ਚ ਹੀ ਗੂਆਚ ਜਾਣਾ ਕਿ ਵਾਕਿਆ ਹੀ ਉਹ ਵੇਲਾ ਇਨ੍ਹਾ ਚੰਗਾ ਸੀ? ਇਨ੍ਹਾ ਮਸ਼ੀਨਾ ਨੂੰ ਅਲਵਿਦਾ ਕਹਿਣਾ ਕਿਨਾ ਔਖਾ ਹੋਣਾ ਹੈ? ਜਿਵੇ ਕੋਈ ਚੀਜ਼ ਅਪਣੇ ਘਰੋ ਹੀ ਚੁੱਕ ਲਈ ਹੋਵੈ ਕਿਸੇ ਦਾ ਤਾ ਦਿਲ ਕੀਤਾ ਹੋਣਾ ਹੈ ਕਿ ਇਨ੍ਹਾ ਮਸ਼ੀਨਾ ਨੂੰ ਚੁੱਕ ਕੇ ਅਪਣੇ ਘਰ ਹੀ ਲੈ ਜਾਵਾ?

ਇਨ੍ਹਾ ਗੱਲਾ ਨੂੰ ਸੁਣ ਕੇ ਮੇਰਾ ਦਿਲ ਤੇ ਕਰਦਾ ਹੈ ਕਿ ਮੈ ਅਪਣੇ ਘਰ ਲੈ ਜਾਵਾ! ਵਾਕਿਆ ਹੀ ਕਿਸੇ ਨੇ ਸਹੀ ਕਿਹਾ ਹੈ..." ਕਿ ਵਕਤ ਗੁਜ਼ਰਤਾ ਹੀ ਚਲਾ ਗਿਆ,ਔਰ ਮੈ ਤੇਰੀ ਯਾਦੋ ਮੇ ਹੀ ਖੋਇਆ ਰਹਾ"......!

ਗੁਰਲੀਨ ਕੌਰ, ਇਟਲੀ