15 ਜਨਵਰੀ, 2019 :   ਨਟਾਲੀ ਰੰਗ ਮੰਚ (ਰਜਿ:) ਗੁਰਦਾਸਪੁਰ ਵਲੋਂ  ਬਿਰਧ ਆਸ਼ਰਮ ਗੁਰਦਾਸਪੁਰ ਵਿੱਚ ਲੋਹੜੀ ਮੇਲਾ ਬੜੇ ਉਤਸ਼ਾਹ ਨਾਲ ਮਨਾਇਆ ਗਿਆ।  ਇਸ ਮੇਲੇ ਵਿੱਚ ਅਸ਼ੀਸ਼ ਕੁਮਾਰ,  ਐਡਵੋਕੇਟ ਸੁਪਰੀਮ ਕੋਰਟ (ਸਪੁੱਤਰ ਸ੍ਰੀ ਅਸ਼ਵਨੀ ਕੁਮਾਰ ਸਾਬਕਾ ਕੇਂਦਰੀ ਕਾਨੂੰਨ ਮੰਤਰੀ), ਸੇਵਾ-ਮੁਕਤ ਕਰਨਲ ਅਮਰਜੀਤ ਸਿੰਘ ਭੁੱਲਰ ਤੇ ਸਿਵਲ ਸਰਜਨ ਡਾਕਟਰ ਜਗਜੀਵਨ ਲਾਲ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ। ਇਸ ਲੋਹੜੀ ਮੇਲੇ ਵਿੱਚ ਲੋਕ- ਗਾਇਕ, ਗੀਤਕਾਰ ਤੇ ਰੰਗ-ਕਰਮੀ ਸੰਘਰਸ਼ਸ਼ੀਲ ਆਗੂ ਬਜ਼ੁਰਗ ਕਾਮਰੇਡ ਮੁਲਖ ਰਾਜ (93 ਸਾਲ)  ਨੂੰ ਸਨਮਾਨ-ਪੱਤਰ ਤੇ ਗਰਮ ਲੋਈ ਨਾਲ ਮੰਚ ਵਲੋਂ ਸਨਮਾਨਿਤ ਕੀਤਾ ਗਿਆ।  ਸਨਮਾਨ ਕਰਨ ਵਾਲਿਆਂ ਵਿੱਚ ਜੀ.  ਐਸ.  ਪਾਹੜਾ,  ਅਮਰੀਕ ਸਿੰਘ ਮਾਨ, ਵਰਿੰਦਰ ਸਿੰਘ ਸੈਣੀ, ਰਛਪਾਲ ਸਿੰਘ ਘੁੰਮਣ, ਜਨਕ ਰਾਜ ਰਠੌਰ, ਜੇ. ਪੀ. ਖਰਲਾਂਵਾਲਾ, ਜੋਧ ਸਿੰਘ, ਰੰਜਣ ਵਫ਼ਾ, ਅਸ਼ੀਸ਼ ਕੁਮਾਰ ਐਡਵੋਕੇਟ, ਗੁਰਮੀਤ ਸਿੰਘ ਬਾਜਵਾ ਤੇ ਤਰਲੋਚਨ ਸਿੰਘ ਲੱਖੋਵਾਲ ਸ਼ਾਮਲ ਸਨ।
    ਇਸ ਸਮਾਗਮ ਵਿੱਚ ਲੋਕ-ਗਾਇਕ ਮੰਗਲ ਦੀਪ, ਜੱਗੀ ਠਾਕੁਰ, ਕਾਮਰੇਡ ਮੁਲਖ ਰਾਜ, ਚੰਨਣ ਸਿੰਘ ਦੋਰਾਂਗਲਾ ਤੇ ਗੁਰਦਿਆਲ ਸਿੰਘ ਨੇ ਆਪਣੀ ਗਾਇਕੀ ਨਾਲ ਖੂਬ ਰੰਗ ਬੰਨਿਆ। ਇਸ ਸਮਾਗਮ ਨੂੰ ਕਰਨਲ ਕਰਮਜੀਤ ਸਿੰਘ, ਬੀਬੀ ਅਮਰੀਕ ਕੌਰ, ਜਸਵਿੰਦਰ ਸਿੰਘ ਪਾਹੜਾ, ਜੋਗਿੰਦਰ ਸਿੰਘ ਛੀਨਾ, ਯੁੱਧਵੀਰ ਸਿੰਘ ਹੱਲਾ, ਸਵਤੰਤਰ ਕੁਮਾਰ ਸ਼ਰਮਾ (ਅਸਿਸਟੈਂਟ ਮੈਨੇਜਰ ਹੈਲਪ ਏਜ ਇੰਡੀਆ)  ਨੇ ਸੰਬੋਧਨ ਕੀਤਾ। ਇਸ ਮੌਕੇ ਤੇ  ਜਗਮੋਹਨ ਸਿੰਘ ਭਿੰਡਰ, ਸੁਖਵਿੰਦਰ ਸਿੰਘ ਗੋਗੀ ਸੈਣੀ, ਸੁਭਾਸ਼ ਚੰਦਰ, ਬਹਾਦਰ ਸਿੰਘ, ਡਾ. ਗੁਰਬੀਰ ਸਿੰਘ, ਸੰਤ ਰਾਮ, ਬਲਵੰਤ ਸਿੰਘ ਢੀਂਡਸਾ, ਰਜੇਸ਼ ਬੱਬੀ, ਵਿਜੇ ਬੱਧਣ, ਰਣਜੋਤ ਸਿੰਘ, ਨਿਰਮਲਾ ਅਨੰਦ ਤੇ ਸੁਖਬੀਰ ਸਿੰਘ ਪਾਹੜਾ ਵੀ ਹਾਜ਼ਰ ਸਨ।