|
 ‘ਨਿਊ
ਯੀਅਰ’ ਦੇ ਤਿਉਹਾਰ
ਵਾਂਗ ‘ਵੈਲੇਨਟਾਈਨ
ਡੇ’ ਦਾ ਤਿਉਹਾਰ ਵੀ
ਪੱਛਮ ਤੋਂ ਆਯਾਤ ਹੋਇਆ ਇੱਕ ਵੱਡਾ ਤਿਉਹਾਰ ਬਣਦਾ ਜਾ ਰਿਹਾ ਹੈ।
ਇਹਦੇ ਪਿੱਛੇ -
ਪਿੱਛੇ ਹੀ ਤੁਰੇ ਆ ਰਹੇ ਹਨ ‘ਫਾਦਰਜ਼
ਡੇ’ ਤੇ ‘ਮਦਰਜ਼
ਡੇ’ ਵਰਗੇ ਤਿਉਹਾਰ
ਵੀ।
ਕੁਝ ਕੁ ਸਾਲ ਪਹਿਲਾਂ ਤੱਕ
ਸਾਡੇ ਦੇਸ਼ ਵਿੱਚ ‘ਵੈਲੇਨਟਾਈਨ
ਡੇ’ ਦਾ ਕਿਸੇ ਨੂੰ
ਪਤਾ ਤੱਕ ਨਹੀਂ ਸੀ।
ਵੱਡੇ - ਵੱਡੇ
ਸ਼ਹਿਰਾਂ ਤੋਂ ਕਾਲਜਾਂ ਵਿੱਚ ਤੇ ਕਾਲਜਾਂ ਤੋਂ ਸਕੂਲਾਂ ਰਾਹੀਂ ਹੁੰਦਾ - ਹੁੰਦਾ
ਹੁਣ ਇਹ ਆਪਣੀ ਹੋਂਦ ਪਿੰਡਾਂ ਵਿਚ ਵੀ ਜਿਤਾਉਣ ਲੱਗ ਪਿਆ ਹੈ।
ਕਿਵੇਂ ਖਪਤਕਾਰੀ
ਮੰਡੀ ਅਤੇ ਖਾਸ ਕਰਕੇ ਕਾਰਡ ਵੇਚਣ ਵਾਲੀਆਂ ਕੰਪਨੀਆਂ ਮਸ਼ਹੂਰੀ ਕਰਨ ਵਾਲੀਆਂ
ਏਜੰਸੀਆਂ ਦੀ ਮਦਦ ਨਾਲ ਕਿਸੇ ਨਿੱਕੇ ਜਿਹੇ ਦਿਨ ਨੂੰ ਇੱਕ ਵੱਡੇ ਤਿਉਹਾਰ ਦਾ ਰੂਪ
ਦੁਆ ਸਕਦੀਆਂ ਹਨ, ‘ਵੈਲੇਨਟਾਈਨ
ਡੇ’ ਇਸ ਗੱਲ ਦਾ ਇਕ
ਪ੍ਰਤੱਖ ਸਬੂਤ ਹੈ।
 ਪੱਛਮ
ਵਿੱਚ ਇਸ ਤਿਉਹਾਰ ਦੀ ਸ਼ੁਰੂਆਤ ਕਿਵੇਂ ਹੋਈ,
ਇਹਦੇ ਬਾਰੇ ਕੋਈ ਵੀ ਬਹੁਤਾ
ਯਕੀਨ ਨਾਲ ਨਹੀਂ ਦੱਸ ਸਕਦਾ,
ਪਰ ਕਈ ਸਦੀਆਂ ਪਹਿਲਾਂ ਤੋਂ
ਇਸ ਦਿਨ ਨੂੰ ਸੰਤ ਵੈਲੇਨਟਾਈਨ ਦੇ ਨਾਂਅ ਨਾਲ ਜੋੜਿਆ ਜਾਣ ਲੱਗਿਆ।
ਕੈਥੋਲਿਕ ਈਸਾਈ
ਮਾਨਤਾ ਮੁਤਾਬਕ ਵੈਲੇਨਟਾਈਨ ਨਾਂਅ ਦੇ ਵੀ ਤਿੰਨ ਸੰਤ ਹੋਏ ਹਨ ਤੇ ਇਨ੍ਹਾਂ ਤਿੰਨਾਂ
ਵੱਲੋਂ 14 ਫਰਵਰੀ
ਨੂੰ ਸ਼ਹੀਦੀ ਪ੍ਰਾਪਤ ਕੀਤੀ ਦੱਸੀ ਜਾਂਦੀ ਹੈ।
ਇੱਕ ਸੰਤ
ਵੈਲੇਨਟਾਈਨ ਨੇ ਆਪਣੇ ਸਾਥੀਆਂ ਨਾਲ ਅਫਰੀਕਾ ਵਿੱਚ ਤਸੀਹੇ ਝੱਲੇ,
ਇਸ ਤੋਂ ਇਲਾਵਾ ਉਹਦੇ ਬਾਰੇ
ਇਤਿਹਾਸ ਵਿੱਚ ਹੋਰ ਜਾਣਕਾਰੀ ਨਹੀਂ ਲੱਭਦੀ।
ਦੂਜੇ ਦੋਵੇਂ ਸੰਤ
ਵੈਲੇਨਟਾਈਨ ਤੀਜੀ ਸਦੀ ਵਿੱਚ ਹੋਏ,
ਇੱਕ ਨੂੰ ਰੋਮ ਦਾ ਪਾਦਰੀ
ਆਖਦੇ ਸਨ ਅਤੇ ਦੂਜੇ ਨੂੰ ਇੰਟਰਾਮਨਾ (ਅਜੋਕਾ ਤੇਰਨੀ) ਦਾ ਬਿਸ਼ਪ।
ਆਮ ਤੌਰ ’ਤੇ
ਜਿਹੜੇ ਸੰਤ ਵੈਲੇਨਟਾਈਨ ਨਾਲ ਇਹ ਦਿਨ ਜੋੜਿਆ ਜਾਂਦਾ ਹੈ,
ਉਸ ਨੂੰ 14
ਫਰਵਰੀ 269 ਨੂੰ
ਰੋਮ ਵਿੱਚ ਮੌਤ ਦੇ ਘਾਟ ਉਤਾਰਿਆ ਗਿਆ।
ਇੱਕ ਕਹਾਣੀ ਮੁਤਾਬਕ
ਸ਼ਹਿਨਸ਼ਾਹ ਕਨਾਊਡੀਅਸ-2ਜਾ ਦੇ ਰਾਜ ਦੌਰਾਨ ਰੋਮ ਦੇ ਇਸ ਸੰਤ ਨੇ ਈਸਾਈਅਤ ਛੱਡਣ ਤੋਂ
ਇਨਕਾਰ ਕਰ ਦੱਤਾ ਸੀ,
ਜਿਸ ਦਾ ਇਵਜ਼ਾਨਾ ਉਸ ਨੂੰ
ਆਪਣੀ ਜ਼ਿੰਦਗੀ ਨਾਲ ਤਾਰਨਾ ਪਿਆ।
ਦੂਜੀ ਕਹਾਣੀ
ਮੁਤਾਬਕ ਸ਼ਹਿਨਸ਼ਾਹ ਕਲਾਊਡੀਅਸ-2ਜਾ ਦੇ ਵਿਚਾਰ ਮੁਤਾਬਕ ਵਿਆਹਿਆਂ ਨਾਲੋਂ ਕੁਆਰੇ
ਨੌਜਵਾਨ ਬਿਹਤਰ ਫੌਜੀ ਹੋ ਸਕਦੇ ਹਨ,
ਇਸ ਲਈ ਉਸ ਨੇ ਨੌਜਵਾਨਾਂ ਦੇ
ਵਿਆਹਾਂ ਉੱਤੇ ਰੋਕ ਲਾ ਦਿੱਤੀ ਸੀ।
ਪਰ ਸੰਤ ਵੈਲੇਨਟਾਈਨ
ਇਸ ਬੇਇਨਸਾਫ ਕਾਨੂੰਨ ਦੇ ਖਿਲਾਫ ਖੜਾ ਹੋਇਆ ਅਤੇ ਚੋਰੀ - ਛੁਪੀ ਨੌਜਵਾਨਾਂ ਦੇ
ਵਿਆਹ ਕਰਵਾਉਣ ਦਾ ਕੰਮ ਕਰਦਾ ਰਿਹਾ।
ਜਦੋਂ ਇਹ ਗੱਲ
ਕਲਾਊਡੀਅਸ ਨੂੰ ਪਤਾ ਲੱਗੀ,
ਤਾਂ ਉਸ ਨੇ ਸੰਤ ਵੈਲੇਨਟਾਈਨ
ਨੂੰ ਫਾਂਸੀ ਦੀ ਸਜ਼ਾ ਸੁਣਾ ਦਿੱਤੀ।
ਕਾਰਨ ਕੋਈ ਵੀ ਰਿਹਾ ਹੋਵੇ,
ਪਰ ਏਸ ਸੰਤ ਵੈਲੇਨਟਾਈਨ ਨੂੰ
ਜੇਲ੍ਹ
ਵਿੱਚ ਪਾ ਦਿੱਤਾ ਗਿਆ।
ਜੇਲ੍ਹ
ਵਿਚ ਰਹਿੰਦੇ ਹੋਏ
ਉਸ ਨੂੰ ਜੇਲ੍ਹਰ ਦੀ ਬੇਟੀ ਨਾਲ ਪਿਆਰ ਹੋ ਗਿਆ ਤੇ ਉਹ ਉਸ ਨੂੰ ਜੇਲ੍ਹ ’ਚੋਂ
ਚਿੱਠੀਆਂ ਲਿਖਣ ਲੱਗਾ।
ਇਨ੍ਹਾਂ ਚਿੱਠੀਆਂ
ਦੇ ਅਖੀਰ ਵਿੱਚ ਉਹ ਲਿਖਦਾ ਸੀ ‘‘ਤੇਰੇ
ਵੈਲੇਨਟਾਈਨ ਵੱਲੋਂ’’।
ਇੰਝ ਪਿਆਰ ਦਾ
ਇਜ਼ਹਾਰ ਕਰਨ ਵਾਲਾ ਤਿਉਹਾਰ ਸੰਤ ਵੈਲੇਨਟਾਈਨ ਦੇ ਨਾਂਅ ਨਾਲ ਜੁੜ ਗਿਆ।
ਉਸ ਦੀ ਸ਼ਹੀਦੀ ਵਾਲੇ
ਦਿਨ (14 ਫਰਵਰੀ)
ਨੂੰ ਸੰਨ 469 ਵਿੱਚ
ਪੋਪ ਗਿਲਾਸੀਉਸ ਨੇ ਛੁੱਟੀ ਦੇ ਤੌਰ ’ਤੇ
ਐਲਾਨ ਕਰ ਦਿੱਤਾ।
ਕੈਥੋਲਿਕ ਕਲੰਡਰ
ਵਿਚੋਂ ਇਹ ਛੁੱਟੀ ਪੌਪ ਪਾਲ–6ਵਾਂ
ਨੇ 1969 ਵਿੱਚ ਹਟਾ
ਦਿੱਤੀ, ਪਰ
‘ਵੈਲੇਨਟਾਈਨ ਡੇ’
ਤਿਉਹਾਰ ਦੇ ਤੌਰ ’ਤੇ
ਸਾਰੇ ਈਸਾਈ ਪਹਿਲਾਂ ਵਾਂਗ ਹੀ ਮਨਾਉਂਦੇ ਰਹੇ।
 ਰੋਮਨ
ਸਲਤਨਤ ਵਿੱਚ 14
ਫਰਵਰੀ ਦੀ ਛੁੱਟੀ ਹੁੰਦੀ ਸੀ ਤੇ ਇਹ ਦਿਨ ਰੋਮਨ ਦੇਵੀ - ਦੇਵਤਿਆਂ ਦੀ ਰਾਣੀ ਜੂਨੋ
ਨੂੰ ਸਮਰਪਿਤ ਸੀ।
ਰੋਮਨਾਂ ਵਿਚ ਜੂਨੋ
ਔਰਤਾਂ ਅਤੇ ਵਿਆਹ ਦੀ ਦੇਵੀ ਵੀ ਸੀ।
ਇਸ ਤਿਉਹਾਰ ਤੋਂ
ਅਗਲੇ ਦਿਨ ਰਲੂਪਰਕਾਲੀਆ ਦਾ ਉਤਸਵ ਸ਼ੁਰੂ ਹੁੰਦਾ ਸੀ।
ਇਸ ਦੀ ਪਹਿਲੀ ਸ਼ਾਮ
ਭਾਵ 14 ਫਰਵਰੀ ਦੀ
ਸ਼ਾਮ ਨੂੰ ਪਿਆਰ - ਪਰਚੀ ਪਾਉਣ ਦੀ ਰੀਤ ਅਦਾ ਕੀਤੀ ਜਾਂਦੀ ਸੀ।
ਰੋਮ ਦੀਆਂ
ਮੁਟਿਆਰਾਂ ਦੇ ਨਾਂਅ ਲਿਖ ਕੇ ਇੱਕ ਘੜੇ ਵਿੱਚ ਪਾ ਦਿੱਤੇ ਜਾਂਦੇ ਸਨ ਅਤੇ ਜੁਆਨ
ਮੁੰਡੇ ਇੱਕ - ਇੱਕ ਪਰਚੀ ਕੱਢਦੇ ਸਨ।
ਕੱਢੀ ਗਈ ਪਰਚੀ
’ਤੇ ਲਿਖੇ ਨਾਂਅ
ਵਾਲੀ ਕੁੜੀ ਇਸ ਤਿਉਹਾਰ ਦੌਰਾਨ ਉਸ ਨੌਜਵਾਨ ਦੀ ਸਾਥਣ ਹੁੰਦੀ ਸੀ।
ਕਈ ਵਾਰ ਇਨ੍ਹਾਂ
ਦੋਵਾਂ ਦਾ ਸਾਥ ਲੰਮੇ ਸਮੇਂ ਤੱਕ ਚੱਲਦਾ ਰਹਿੰਦਾ ਸੀ ਅਤੇ ਇਨ੍ਹਾਂ ਦੋਵਾਂ ਦਾ
ਬੰਧਨ ਵਿਆਹ ਵਿੱਚ ਬੱਝ ਜਾਂਦਾ ਸੀ।
‘ਪਿਆਰ - ਪਰਚੀ’
ਦੀ ਇਹ ਰੀਤ ਰੋਮ ਵਿੱਚ
ਅਠਾਰ੍ਹਵੀਂ ਸਦੀ ਤੱਕ ਪ੍ਰਚੱਲਤ ਰਹੀ।
ਨੌਤਰ ਦਾਮ ਦੀ ਯੂਨੀਵਰਸਿਟੀ
ਦੇ ਪ੍ਰੋਫੈਸਰ ਲਾਰੈਂਸ ਕਨਿੰਗਘਮ ਮੁਤਾਬਕ 14
ਫਰਵਰੀ ਨੂੰ ਪਿਆਰ ਦਿਵਸ ਦੇ ਤੌਰ ’ਤੇ
ਮਨਾਏ ਜਾਣ ਦਾ ਇੱਕ ਹੋਰ ਕਾਰਨ ਵੀ ਹੈ।
ਮੱਧਕਾਲੀਨ ਯੋਰਪੀ
ਲੋਕਾਂ ਦੇ ਵਿਸ਼ਵਾਸ ਮੁਤਾਬਕ ਫਰਵਰੀ ਦੇ ਅੱਧ ਵਿੱਚ ਪੰਛੀਆਂ ਦੀ ਸੰਭੋਗੀ ਰੁੱਤ
ਸ਼ੁਰੂ ਹੁੰਦੀ ਹੈ।
ਅੰਗਰੇਜ਼ ਕਵੀ ਚੌਸਰ
ਨੇ ਵੀ ਆਪਣੀ ਕਵਿਤਾ ‘ਪਰਿੰਦਿਆਂ
ਦੀ ਸੰਸਦ’ ਵਿੱਚ
ਆਖਿਆ ਹੈ ਕਿ ਸੰਤ ਵੈਲੇਨਟਾਈਨ ਦੇ ਦਿਨ ਹਰ ਪਰਿੰਦਾ ਆਪਣੇ ਲਈ ਸਾਥ ਚੁਣਦਾ ਹੈ।
ਅਜਿਹਾ ਹੀ ਜ਼ਿਕਰ
ਕਵੀ ਜੌਹਰ ਗਊਏਰ ਦੀਆਂ ਫਰਾਂਸੀਸੀ ਵਿੱਚ ਲਿਖੀਆਂ 34ਵੀਂ
ਤੇ 35ਵੀਂ ਵਾਰਾਂ
ਵਿੱਚ ਵੀ ਆਉਂਦਾ ਹੈ,
ਡੇਮ ਐਲਿਜ਼ਾਬੇਥ ਬਰਿਊਜ਼ ਦੀ
ਲਿਖਤ ‘ਪੇਸਟਨ ਖ਼ਤ’
ਵਿੱਚ ਵੀ ਅਤੇ ਚੌਦ੍ਹਵੀਂ -
ਪੰਦਰ੍ਹਵੀਂ ਸਦੀਆਂ ਦੀਆਂ ਕਈ ਹੋਰ ਰਚਨਾਵਾਂ ਵਿੱਚ ਵੀ।
ਪੰਛਿਆ ਦੇ ਅਜਿਹੇ
ਵਤੀਰੇ ਬਾਰੇ ਧਾਰਨਾ ਤੋਂ ਸ਼ੁਰੂ ਹੋਇਆ ਪ੍ਰੇਮੀਆਂ ਵਿਚਕਾਰ ਤੋਹਫਿਆਂ ਅਤੇ
ਸੁਨੇਹਿਆਂ ਦਾ ਆਦਾਨ - ਪਰਦਾਨ।
ਪੰਦਰ੍ਹਵੀਂ ਸਦੀ ਤੱਕ ਅਜਿਹੇ
ਸੁਨੇਹੇ ਜ਼ੁਬਾਨੀ ਜਾਂ ਗਾ ਕੇ ਦਿੱਤੇ ਜਾਂਦੇ ਸਨ।
ਜੇਲ੍ਹ
ਵਿੱਚ ਬੰਦ ਔਰਲੀਨਜ਼
ਦੇ ਡਿਊਕ ਚਾਰਲਸ ਨੇ 1415
ਵਿੱਚ ਆਪਣੀ ਬੀਵੀ ਨੂੰ ਰੁਮਾਂਟਿਕ ਸ਼ਿਅਰਾਂ ਵਾਲੇ ਖਤ ਲਿਖਣੇ ਸ਼ੁਰੂ ਕੀਤੇ।
16ਵੀਂ ਸਦੀ ਤੱਕ
ਲਿਖਤੀ ਵੈਲੇਨਟਾਈਨ ਸੁਨੇਹੜੇ ਇੱਕ ਰਿਵਾਜ ਦਾ ਰੂਪ ਅਖ਼ਤਿਆਰ ਕਰ ਚੱਕੇ ਸਨ।
ਵਪਾਰਕ ਨਜ਼ਰੀਏ ਨਾਲ
ਵੈਲੇਨਟਾਈਨ ਕਾਰਡ ਪਹਿਲੀ ਵਾਰ ਇੱਕ ਅਮਰੀਕੀ ਔਰਤ ਐਸਥਰ ਹਾਊਲੈਂਡ ਨੇ
1840 ਵਿੱਚ ਛਾਪੇ ਅਤੇ ਉਸੇ
ਸਾਲ ਹੀ 5000 ਡਾਲਰ
ਦੇ ਕਾਰਡ ਵਿਕੇ।
ਅੱਜ ਦੇ ਦਿਨ ਇਕੱਲੇ
ਅਮਰੀਕਾ ਵਿੱਚ ਹੀ ਇੱਕ ਅਰਬ ਤੋਂ ਵੱਧ ਗਿਣਤੀ ਵਿੱਚ ਕਾਰਡ ਭੇਜੇ ਜਾਂਦੇ ਹਨ।
ਇਸ ਤੋਂ ਵਧੇਰੇ
ਕਾਰਡ ਸਿਰਫ ਕ੍ਰਿਸਮਸ ਦੇ ਮੌਕੇ ’ਤੇ
ਹੀ ਵਿਕਦੇ ਹਨ।
ਇੱਕ ਅੰਦਾਜ਼ੇ
ਮੁਤਾਬਕ ਕਾਰਡਾਂ,
ਫੁੱਲਾਂ ਅਤੇ ਤੋਹਫਿਆਂ ਉੱਤੇ ਹਰ ਅਮਰੀਕੀ ਇਸ ਮਾਲ ‘ਵੈਲੇਨਟਾਈਨ
ਡੇ’ ਉਤੇ ਔਸਤਨ
100 ਡਾਲਰ ਖਰਚ
ਕਰੇਗਾ।
ਅੰਕੜਿਆਂ ਮੁਤਾਬਕ ਇੱਕ
ਦਿਲਚਸਪ ਗੱਲ ਇਹ ਹੈ ਕਿ ਇਸ ਦਿਨ ਸਭ ਤੋ ਵੱਧ ਕਾਰਡ ਪ੍ਰੇਰਮੀਆਂ ਨੂੰ ਹੀਂ,
ਬਲਕਿ ਅਧਿਆਪਕਾਂ ਨੂੰ ਦਿੱਤੇ
ਜਾਂਦੇ ਹਨ।
 ਅਮਰੀਕਾ
ਵਿੱਚ ਲਗਭੱਗ 65
ਕਰੋੜ ਕਾਰਡ 6 ਤੋਂ
10 ਸਾਲ ਤੱਕ ਦੇ
ਬੱਚਿਆਂ ਦੁਆਰਾ ਭੇਜੇ ਜਾਂਦੇ ਹਨ।
‘ਵੈਲੇਨਟਾਈਨ ਡੇ’
ਦਾ ਬੁਖਾਰ ਭਾਰਤੀਆਂ ਨੂੰ ਵੀ
ਪੂਰੀ ਤਰ੍ਹਾਂ ਚੜ੍ਹ
ਰਿਹਾ ਹੈ।
ਕਾਲਜਾਂ ਤੇ ਸਕੂਲਾਂ
ਦੇ ਲੜਕੇ - ਲੜਕਿਆਂ ਖਾਸ ਕਰਕੇ ਇਸ ਦਿਨ ਫੁੱਲਾਂ ਅਤੇ ਤੋਹਫਿਆਂ ਦਾ ਆਦਾਨ -
ਪ੍ਰਦਾਨ ਕਰਦੇ ਹਨ।
ਕਈ ਥਾਵਾਂ
’ਤੇ ਇਸ ਤਿਉਹਾਰ ਨੂੰ ਸਥਾਨਕ
ਰੰਗਤ ਦਿੱਤੀ ਜਾ ਰਹੀ ਹੈ ਤੇ ਇਸ ਦਿਨ ਲੜਕੀਆਂ ਨਾਲ ਛੇੜਖਾਨੀ ਅਤੇ ਮਖੌਲ ਕਰਨ
ਦੀਆਂ ਅਣਸੁਖਾਵੀਆਂ ਘਟਨਾਵਾਂ ਵੀ ਵਾਪਰਨ ਲੱਗੀਆਂ ਹਨ।
ਗੰਭੀਰ ਪ੍ਰੇਮੀ ਇਸ
ਦਿਨ ਆਪਣੀਆਂ ਪ੍ਰੇਮਕਾਵਾਂ ਲਈ ਸੁਹਣੇ - ਸੁਹਣੇ ਫੱਲ ਲੈ ਕੇ ਆਉਂਦੇ ਹਨ ਅਤੇ ਕਈ
ਤਾਂ ਇਸ ਦਿਨ ਨੂੰ ਵਆਹ ਦੀ ਤਜਵੀਜ਼ ਪੇਸ਼ ਕਰਨ ਲਈ ਖੁੱਲ੍ਹੀ ਛੋਟ ਸਮਝਦੇ ਹਨ,
ਪਰ ਗੈਰ - ਗੰਭੀਰ ਮਜਨੂੰ ਇਸ
ਦਿਨ ਫੁੱਲਾਂ ਦੇ ਨਾਂਅ ’ਤੇ
ਗੋਭੀ ਦਾ ਫੁੱਲ ਲੈ ਕੇ ਵੀ ਤੁਰੇ ਫਿਰਦੇ ਹਨ ਅਤੇ ਅਵੱਲੇ ਕਿਸਮ ਦੇ ਮਜ਼ਾਕ ਵੀ ਕਰਦੇ
ਹਨ।
ਮੈਂ ਉਨ੍ਹਾਂ ਵਿੱਚੋਂ ਨਹੀਂ
ਹਾਂ, ਜਿਨ੍ਹਾਂ ਨੂੰ
ਅਜਿਹੇ ਬਦੇਸ਼ੀ ਤਿਉਹਾਰਾਂ ਦੀ ਬਹੁਤ ਤਕਲੀਫ ਹੁੰਦੀ ਹੈ ਤੇ ਉਹ ਇਸੇ ਗੱਲ ਦਾ
ਵਾਵੇਲਾ ਹੀ ਪਾਉਂਦੇ ਰਹਿੰਦੇ ਹਨ ਕਿ ਇਹ ਪੱਛਮੀ ਸੱਭਿਆਚਾਰ ਵੱਲੋਂ ਸਾਡੇ
ਸਭਿਆਚਾਰ ਉੱਤੇ ਹਮਲਾ ਹੈ।
ਜੰਮ - ਜੰਮ ਮਨਾਓ
ਤਿਉਹਾਰ, ਜਿਹੜਾ ਵੀ
ਤੇ ਜਿਵੇਂ ਵੀ ਤੁਸੀਂ ਮਨਾਉਣਾ ਚਾਹੁੰਦੇ ਹੋ,
ਜੇ ਇਹ ਤੁਹਾਡੀਆਂ ਖੁਸ਼ੀਆਂ
ਦਾ ਇਜ਼ਹਾਰ ਹੈ, ਪਰ
ਅਸਲ ਵਿੱਚ ਹੋ ਇਹ ਰਿਹਾ ਹੈ ਕਿ ਹੌਲੀ - ਹੌਲੀ ਸਾਡੇ ਸਾਰੇ ਤਿਉਹਾਰਾਂ ਉੱਪਰ ਹੀ
ਖਪਤਕਾਰੀ ਮੰਡੀ ਕਾਬਜ਼ ਹੁੰਦੀ ਜਾ ਰਹੀ ਹੈ।
ਤੋਹਫੇ ਦੇ ਕਾਰਡ
ਵੇਚਣ ਵਾਲੀਆਂ ਕੰਪਨੀਆਂ ਇਸ਼ਤਿਹਾਰਬਾਜ਼ੀ ਰਾਹੀਂ ਇੰਜ ਹਮਲਾ ਕਰ ਰਹੀਆਂ ਹਨ ਕਿ ਸਾਡੇ
ਤਿਉਹਾਰ ਵੀ ਤੇ ਹੋਰ ਸੱਭਿਆਚਾਰ ਵੀ ਉਨ੍ਹਾਂ ਰਾਹੀਂ ਹੀ ਸੇਧੇ,
ਵਿਉਂਤੇ ਜਾ ਰਹੇ ਹਨ ਤੇ
ਅਸੀਂ ਸੁੱਤੇ - ਸਿੱਧ ਹੀ ਉਨ੍ਹਾਂ ਦੇ ਮਗਰੇ - ਮਗਰ ਤੁਰੇ ਜਾ ਰਹੇ ਹਾਂ।
ਮੰਡੀ ਸਾਡੇ ਮਨਾਂ ’ਤੇ
ਹਾਵੀ ਹੋ ਰਹੀ ਹੈ।
ਸਾਡੀ ਖੁਸ਼ੀ ਦੇ
ਇਜ਼ਹਾਰ ਵੀ ਹੁਣ ਮੰਡੀ ਦੇ ਹੁਕਮਾਂ ਅਧੀਨ ਹੋ ਰਹੇ ਹਨ।
ਇਸ ਹੱਦ ਤੱਕ ਤਾਂ
ਮੰਡੀ ਦੇ ਗੁਲਾਮ ਨਾ ਬਣੋ।
ਪਲੀਜ਼! |
