ਆਇਆ ਕਰ
ਗੁਲਜ਼ਾਰ ਸਿੰਘ ਅੰਮ੍ਰਿਤ-ਰੈਡਿੰਗ

ਸਾਡੇ ਵਲ ਵੀ ਆਇਆ ਕਰ
ਕੋਲੋਂ ਨਾ ਲੰਘ ਜਾਇਆ ਕਰ

ਅਪਣੇ ਦੁੱਖੜੇ ਕਿਹੰਦਾ ਕਿਹੰਦਾ ਮੇਰੀ ਵੀ ਸੁੱਣ ਜਾਇਆ ਕਰ
ਅਸੀਂ ਵੀ ਕੁਝੱ ਤਾਂ ਲਗਦੇ ਹਾਂ ਸਾਨੂੰ ਕਦੇ ਬੁਲਾਇਆ ਕਰ

ਸਾਰੇ ਸਾਡੇ ਵਰਗੇ ਨੇ ਮੱਥੇ ਵੱਟ ਨ ਪਾਇਆ ਕਰ
ਹੋ ਸਕੇ ਤਾਂ ਅੰਮ੍ਰਿਤ ਦੇ ਵੀ ਗੀਤਾਂ ਨੂੰ ਤੂੰ ਗਾਇਆ ਕਰ

ਲਿੱਸਾ ਹੁੰਦਾ ਜਾਂਦਾ ਏਂ ਪੀਆ ਕਰ ਕੁੱਝ ਖਾਇਆ ਕਰ
ਹਾਣ ਦਿਆਂ ਨਾਲ ਮੋਢ੍ਹ੍ਹਾ ਲਾ ਮਾੜੇ ਨੂੰ ਨ ਢ੍ਹਾਇਆ ਕਰ

ਤੂੰ ਨਹੀਂ ਪੀਣੀ ਨ ਤੂੰ ਪੀ ਸਾਨੂੰ ਜਾਮ ਪਿਲਾਇਆ ਕਰ
ਮੇਰੇ ਨਾਂਮ 'ਚ ਰੱਖਿਆ ਕੀ ਰੱਬ ਦਾ ਨਾਂਮ ਧਿਆਇਆ ਕਰ