ਗ਼ਜ਼ਲ
- “ਅਮਰਜੀਤ ਸਿੰਘ ਸਿੱਧੂ ਬੱਧਨੀ ਵਾਲਾ”

ਲੋਕ ਹੱਕਾਂ ਦੀ ਗੱਲ  ਕਰਕੇ  ਸੌਖੇ  ਹਨ  ਨਾਹਰੇ  ਲਾਉਣੇ ।
ਤਲੀ  ਤੇ ਜ਼ਾਨ ਟਿਕਾਉਣੀ ਪੈਦੀ ਪੈਦੇ ਹਨ ਬੋਲ ਪਗਾਉਣੇ ।

ਅਜਗਰ ਨੂੰ ਮਾਰ ਦਿਆਂਗੇ ਬਿੱਲ ਚ ਨਿਕਲਣ ਤੋ ਪਹਿਲਾਂ ,
ਪਰ ਆਲਣੇ ਉਪਰ ਬੈਠੇ  ਤੋ ਔਖੇ  ਹਨ  ਬੋਟ  ਬਚਾਉਣੇ ।

ਮਜ਼ਦੂਰਾ ਵਿੱਚ ਬਹਿ ਕੇ ਜਿਹੜੇ ਕਰਦੇ  ਗੱਲ  ਮਜ਼ਦੂਰ ਦੀ ,
ਮਾਲਕ ਨੂੰ ਹਨ ਉਹ ਹੀ ਦੱਸਦੇ ਕਿਵੇ ਮਜ਼ਦੂਰ ਖੂੰਜੇ ਲਾਉਣੇ । 

ਕਾਮੇ ਨੂੰ ਬੁਕਲ ਵਿੱਚ ਲੈ ਕੇ ਕਹਿਣਾ ਇਹ ਜਾਨ ਹੈ ਮੇਰੀ ,
ਰੋਜੀ ਦਾ ਲਾਲਚ ਦੇ ਕੇ ਘਿਨਾਉਣੇ ਉਹਤੋ ਕੰਮ ਕਰਾਉਣੇ ।

ਜੱਗ ਦੀ ਇਹ ਫਿਤਰਤ ਬਣਗੀ ਹੋਵੇਂ ਹੈਰਾਨ ਕਿਉ “ਸਿੱਧੂ”,
ਗੈਰਾਂ ਨਾਲ ਭਿਆਲੀ ਪਾ ਕੇ ਆਪਣਿਆ ਦੇ ਪੋਸ ਲਾਉਣੇ ।